لم يعد الاهتمام بخطوط الموضة وإطلالات الفنانات فى المهرجانات الرسمية أو الأحداث الهامة، أمرا يخص الوسط الفنى فقط، أصبح كل فستان جزء من شخصية الفنانة، وتحولت كل الأحداث والمهرجانات الفنية والإجتماعية إلى سباق ومنافسة بين النجمات وبعضهن فيما يخص المظهر، وتتسابق بيوت الأزياء الدولية والمحلية على تقديم نفسها عبر المهرجانات الدولية، وفى كل مهرجان خلال السنوات الأخيرة ، أصبح واضحا أن فنانات تلقى الإعجاب وتكون شخصيتها بما ترتديه وفى نفس الوقت أصبحت المهرجانات المختلفة فرصة لبيوت الأزياء المصرية على وجه الخصوص والعربية بشكل عام لتقديم نفسها للسوق، ولكن تبقى للجمهور نظرة، فلم يعد الجمهور يتعامل مع الأمر بشكله الاعتيادى، بل أصبح يهوى المقارنات بين فستان الفنانة الفلانية والنجمة العلانية، وفيما يلى نظرة على إطلالات على فساتين النجمات فى مهرجان القاهرة السينمائى الدولى..
درة
1- درة.. تفاصيل كثيرة ضيعت جمال الفستان
بصراحة من المرات القليلة التى لا يعجبنى اختيار الفنانة درة، الفستان التى ارتدته فى حفل افتتاح مهرجان القاهرة السينمائى من تصميم هانى البحيرى، ولكنه غير موفق على عكس مناسبات أخرى ظهرت فيها الفنانة التونسية فى الفترة الأخيرة ، موديل فستان درة الأخيرة démodé ، يمكنك أن تقول أنه مبالغ فيه إلى حد كبير لحد كبير عادى، خاصة جزء الكتف لأنه كان لازم يكون أكثر بساطة، وكمان الفتحه شكلها مش لطيف و كمان طول البطانه مش مظبوط بشكل يقلل من قيمه الفستان ، أما عن الشعر والميكب، تقدر تقول حلوين بالنسبه لل clutch كان لازم تكون أبسط شوية خصوصا مع فستان زى ده.
نبيلة عبيد
2- نبيلة عبيد.. إطلالة مناسبة بفستان جميل يفسدها لون الشعر
أن الأوان مدام نبيله عبيد تغير لون شعرها لأنه مكبرها أكتر ما هي كبيرة، بصراحة الفستان حلو مع انه dejavu بس حلو ولايق لجسمها بس ال choker كمان مش فى محله لأنه بيعمل spot على الرقبة وفى حاله نبيله عبيد بيظهر التجاعيد فى رقبتها بشكل كبير وبالتالى ، اختياره كان غير موفق بس اللوك بشكل عام لطيف ومرتب.
ليلى علوى
3- ليلى علوى ..فستان جميل أفسده الدانتيل
إطلالة ليلى علوى بفستان من إيلى صعب، الفستان إلى حد ما مناسب وشكله لطيف، بس كنت أفضل عدم وجود الدانتيل الموجود فى الجزء السفلى، بالإضافة إلى أن ظهور البطانة من تحت الفستان حركه مش ظريفة على الاطلاق، "الميكب" لطيف، الشعر بصراحة معجبنيش، طول الحلق كان مبالغ فيه شوية.
لبلبة
4- لبلبة.. الفستان المناسب للجسم المناسب
على عكس إطلالات سابقة، فى هذه المرة فستان الفنانة لبلبة كان لطيف ومرتب ومناسب جدا لجسمها مع أنه dejavu ، تسريحة الشعر مناسبة وعادية واعتدنا ظهور الفنانة لبلبة بها أكتر من مرة ، المكياج لطيف ورايق والاكسيسوار كمان لطيف.
صبا مبارك
5- صبا مبارك.. إطلالة موفقة أفسدها نوع القماش
صبا مبارك الفستان لطيف ومرتب، لكن فيه مشكلة واحدة وهى توزيع القلوب فى الجزء السفلى من الفستان ، بمعنى آخر كان فى عدم تنسيق فى الانتقال من كثافة توزيع القلوب، كان لازم توضح بشكل سلس أكثر من الشكل اللى كان موجود، بالإضافة إلى أنه من الأفضل اختيار قماش من نوع تانى للفستان لأن "الأورجانزا"، جعل الفستان شكله رخيص، المكياج حلو أوى وكمان الشعر اللوك بشكل عام موفق.
هند صبرى
6- هند صبرى .. فستان حلو وبسيط بس مش لهند
فستان الفنانة التونسية هند صبرى حلو وبسيط وتصميمه رائع، بس للأسف مش حلو على هند، يعنى مش مناسب ليها ولا لجسمها، بمعنى آخر صدره ضيق أوى بشكل أبرز صدرها بشكل مش لطيف وكمان موقع خط الوسط كان سبب فى ظهور هند صبرى "تخينة" وعريضة أوى ، اختيارها للمجوهرات كان موفق وحلو ، لكن تسريحة الشعر كانت غير مناسبة.
بشرى
7- بشرى.. سر الأفعى التى أفسدت شكل الفستان
على غير المعتاد فى المهرجانات والمناسبات الأخيرة، إطلالة بشرى فى مهرجان القاهرة السينمائى كانت غير موفقة، الأفعى اللى على الفستان غريبة تحسها مستوحاة من لوجو الصيدلية الفستان نفسه قصته تفتقد للتوازن خاصة فى الجزىء العلوى، الميك آب والشعر حلوين كعادة الفنانة الجميلة بشرى.
يسرا
8 – يسرا.. فستان شوية حلوة وشوية غير مناسب
عندى اضطراب مشاعر كبير ناحية فستان النجمة الكبيرة يسرا بصراحة، مع أول طلة تشعر بأن الفستان حلو وينال إعجابك، مع نظرة تانية متفحصة تشعر وكأن الفستان غير مناسب للفنانة يسرا، بسبب غياب التناسق بين الجزء العلوى والسفلى خاصة فى منطقة الخصر أعطى إحساس بزيادة وزنها، العقد مش لايق خالص على الفستان، الشعر حلو والمكياج سىء.
كندة علوش
9- كندة علوش.. فستان جميل يحتاج إلى مكوجى شاطر
كندة علوش ظهرت بفستان من تصميم إيلى صعب، الفستان بشكل عام رايق وهادى ومناسب لجسمها، وكمان اللون الأحمر مناسب جدا لكندة علوش، لكن الحقيقة الفستان كان محتاج مكوجى شاطر يكويه خاصة الجزء السفلى، المكياج والشعر ناعمين وحلوين أوى بس اللوك نفسه بقى بشكل عام مكبر كندا ومديها سنين فوق عمرها.
مها أبو عوف
10- مها أبو عوف.. إطلالة الحموات الفاتنات و"شال" غير مناسب
يعنى إطلالة الحموات الفاتنات دى تجي بيها فنانة كبيرة زى مها أبو عوف على المهرجان!!! بشال جدتى ده يعنى كانت لازم على الأقل تكون على قدر الحدث ولو كانت مش قادره تتحمل البرد أوى كدا كانت قعدت فى البيت أفضل.
زوجة الفنان مصطفى فهمى
11- زوجة الفنان مصطفى فهمى.. إطلالة أفسدتها الألوان
صراحة أنا معرفش زوجه الفنان مصطفى فهمى، لكن إطلالتها بجواره فى مهرجان القاهرة السينمائى الدولى، كانت ملفتة للانتباه، يمكن السبب فى قماش الفستان الغير مناسب أو الرخيص وموديله وتنسيق الالوان بشكل عام لم يكن مناسبا على الإطلاق، لفت نظرى أوى وركزت أوى إن الفستان فى أطرافه السفلية كان مبقع، المكياج والمجوهرات ولون الشعر غير مناسبين.
إلهام شاهين
12- إلهام شاهين.. إطلالة رقيقة وبسيطة مشكلتها فى "العقد"
النجمة إلهام شاهين ارتدت فستان بسيط ورقيق ومناسب جدا لسنها وكمان الجاكيت الفرو classy وفخم، بس للأسف الفنانة إلهام شاهين واضح إنها أضافت "تاتش" لم يكن مناسب على الإطلاق للفستان وتصميمه وهو العقد الحزام اللى على رقبتها، كان ممكن يكون عقد بسيط solitaire او emerald كان حيكون أشيك كتير، أما بالنسبه للشعر فانا بقترح انها تغير الكوافير ، والمكياج فى شكله العام كان مناسب ولطيف.
إنجى المقدم
13- إنجى المقدم.. إطلالة تستحق التحية .. برافو إنجى
الفنانة انجى المقدم كما هى عادتها تجيد اختيار اللبس، ظهرت فى مهرجان القاهرة السينمائى بفستان حلو وألوانه رائعة و fashionable ، واختيار الـ clutch موفق وبسيط وجميل وكمان الشعر والميك اب حلوين أوى، بجد برافو انجى من احلى اطلالات المهرجان حقيقي ممكن البعض يشوف الإطلالة عادية بس لو عملنا repère لإطلالات المهرجان نشعر بأنها فعلا من أحلى الإطلالات.
أصالة
14- أصالة.. الـcut بتاع الفستان حلوه بس الورد كتير أوى
كعادتها أصاله بتعز الورد أوى، ولكن فى هذه المرة ورد فستان أصالة كان كثير جدا وزحمة أوى، الـ cut بتاع الفستان نفسه حلوة، صحيح الفستان مليان أفكار بس الـ mix مش مظبوط خالص يعنى الجزء اليمين مش لايق على الشمال وكمان الفستان مقصر أصاله أوى، الشعر القصير حلو عليها مع أنها أحلى كتييير بالشعر الطويل.
أمل بشوشة
15- أمل .. فستان مميز وفخم من تصميم زهير مراد
إطلالة أمل بشوشة حلوة أوى وفيها ترتيب وتنسيق، الفستان جميل من تصميم زهير مراد ومميز وفخم ومناسب جدا لجسمها، بالإضافة إلى أن التطريز حلو ومنمق وتداخله مع الدانتيل فيه ذكاء،تنسيق المجوهرات وال clutch حلوين أوى واللوك على بعضه classy ،المكياج والشعر حلوين مع انى بفضل تقصر شعرها شويه بسيطة.
فستان الطاووس
16- فستان الطاووس على سجادة المهرجان الحمراء
اعذرونى مش عارفة مين الفنانة، بس الطاووس لفت نظرى أوى شعرت لحظة وكأنها ترتدى costume طاووس كأنها معزومة على حفلة halloween يعنى المصمم العبقرى حب يعمل inspiration من الطاووس ، فعمل الطاووس نفسه وظهرت لنا الفنانه بهذه الاطلاله الكارثيه ولا حول ولا قوه بالله.
نجلاء بدر
17- نجلاء بدر.. فستان مناسب واختيار ذكى للمجوهرات
عجبنى فستان نجلاء بدر، مناسب جدا لجسمها، بسيط وشيك، وكمان تنسيق المجوهرات والـ clutch حلوين أوى والميكب كمان حلو، بس الشعر كنت أفضله غير كدا بس بشكل عام الإطلاله حلوة ومرتبة.
سلمى أبو ضيف
18- سلمى أبو ضيف .. fashionista مختلفة ومتجددة
سلمى أبو ضيف كعادتها fashionista ، دايما مختلفة ومجددة، حبيت بصراحة الـ jumpsuit مختلف ولافت للانتباه والحلو أنه من تصميم مصرى، الملاحظة الوحيدة أنى كنت أفضل انها ما تشدش شعرها أوى لأنه ظهر وكأنه شادد وشها معاه ، المكياج لطيف باستثناء الـ lipstick كان حيكون أحلى كتير لو أحمر.
ريهام عبد الغفور
19- ريهام عبد الغفور.. القماش المناسب مع الـ shoses الغير مناسبة تعمل كارثة
نيجى بقى لاطلالة الفنانة ريهام عبد الغفور، واعذرونى لو وصفتها بالكارثية على غير عادة ريهام فى الفترة الأخيرة، كل شئ شوفناه بيقول إن الفنانة ريهام عبد الغفور كانت مستعجله وبالتالى قماش الفستان لم يكن مناسب على الإطلاق، ويا إلهى على الـ shoses وتنسيقها على الفستان، كمان ريهام لازم تتصرف وتطول شعرها لأنه الشعر القصير مش حلو عليها خالص.
إنجى على
20- إنجى على .. fashion crime على السجادة الحمراء
المذيعة إنجى على ظهرت فى إطلالة غريبة جدا، أقل ما يقال عنها إنها ما يسمى بالـ fashion crime وبصراحة مش عارف اقول إيه يعنى، الفستان مش حلو خالص بالـ raffles البيضة دى والمكياج سىء، تستحق عن جدارة أسوأ اطلالات المهرجان.
منال سلامة
21- منال سلامة.. فستان احتارت الجماهير فى فهم تفاصيله
الفنانة منال سلامة كانت فى حاجة بس إنها تحرك دراعتها وممكن تطير فى المهرجان، الفستان كارثى بمعنى الكلمة، حتى هذه اللحظة الجماهير بتسأل أيه اللى كان على صدر الفستان عقد ولا تطريز، وأيه الحزام ده حتة ستان باقية من البطانة، فستان غريب عجيب إذا جاز نسميه فستان مش عباية.
أيتن عامر
22- أيتن عامر.. fashion crime ومقص أفسد التصميم
فستان أيتن عامر لم يكن مناسب على الإطلاق، تشعر وكأنه تم تصميمه وصناعته بسرعة شديدة جدا ، لدرجة أنك تحس وكأنهم استخدموا مسدس شمع فى صناعة الفستان، مش عارفه بجد أقول أيه ولا أيه، اتكلم عن بطانة الفستان من تحت اللى مقصوصه غلط ومش مكويه ولا على مكان خط الوسط اللى متخنها أوى ولا عن التطريز فى الجزء العلوى اللى ملزوق لزق بطريقة تخليك تقول إن اللى حصل ده fashion crime .
جميلة عوض
23- جميلة عوض.. دى نتيجة إنك تعمل فستان فى 24 ساعة
على السجادة الحمراء للمهرجان سمعت الفنانة جميلة عوض بتقول للمذيعة إن الفستان ده اتعمل فى يوم، ولما شوفته فهمت لأنه من الواضح جدا إنها نزلت جابت كام متر قماش وعدت على مدام هناء الخياطة اللى تحت بيتهم وقالتلها لو سمحت يا طنط أنا اكتشفت إن فى مهرجان النهاردة ولازم نعمل الفستان بسرعة وبالتالى طلع شئ مكسوفة أسميه فستان .. الفستان حتى ملحقش يروح المكوه وكبير عليها، تسريحة الشعر ولا أسوأ والميكاب معقول، عموما خسارة louboutin shoses تتلبس على منظر زى ده.
