كشفت الفنانة ياسمين عبد العزيز أثناء حلولها ضيفة على برنامج صاحبة السعادة مع إسعاد يونس على شاشة قناة dmc، أن شخصيتها القوية التي اكتسبتها منذ الصغر ترجع لوالدتها قائلة: "أمى كانت ست طيبة جداً وبزيادة أوى، وعمرها ما كانت بترد على الإهانة أو تنفعل على حد حتى علشان تاخد حقها، ولكن كانت طيبة مفرطة".
وأضافت ياسمين عبد العزيز: "ده يمكن خلانى من صغري ببص ليها وبحبها جداً، ولكن كنت بقول لنفسى مش عايزه أبقى الشخصية دى، مش هاكون كده لازم أبقى أقوى".
وتابعت: ساهم في شخصيتى القوية، إنى كنت استقلالية جداً، مع الفلوس اللى كنت بقبضها، ومع إنى كنت أنا اللى باخد كل قراراتى ومسئولة عن اللى حواليا".
هذا وحلت النجمة ياسمين عبد العزيز، ضيفة في برنامج "صاحبة السعادة" المذاع على قناة Dmc، الذي تقدمه الفنانة والإعلامية إسعاد يونس، وتحدثت ياسمين عبد العزيز عن بدايتها في الإعلانات قائلة: "بدأت الإعلانات وكان عندى 12 سنة، وكنت بحب اتفرج على الاعلانات واتفرج على البنات وكنت اقعد اقلدهم واعمل زيهم، ودايما في حاجة لما يكون نفسك في حاجة بتخيل نفسى في الحاجة اللى عوزاها".
وكان آخر أعمال ياسمين عبد العزيز الفنية مسلسل "ضرب نار" الذى تم عرضه فى شهر رمضان قبل الماضى 2023، والعمل من تأليف ناصر عبد الرحمن وإخراج مصطفى فكرى وإنتاج شركة سينرجى وبطولة ياسمين عبد العزيز، أحمد العوضى، ماجد المصرى، هدى الإتربى، سهير المرشدى، دنيا المصرى، إسراء رخا، أحمد غزى، إيمان السيد، بدرية طلبة، أحمد عبد الله، زينة منصور، تيسير عبد العزيز، تامر مجدى وآخرين.
