يشارك فى معرض القاهرة الدولى للكتاب ديوان شعر "أوراق الياسمين" لـ الشاعرة ياسمين على القاضى، والصادر حديثا عن دار نشر إضافة، حيث يأتى الديوان فى 25 قصيدة تتنوع موضوعاته بين الاجتماعى والرومانسى، وترصد الكاتبة من خلاله العديد من القضايا النفسية التى يتعرض لها الإنسان فى حياته من حزن وحب وانتماء.
![أوراق الياسمين أوراق الياسمين](https://img.youm7.com/ArticleImgs/2021/7/7/56913-أوراق-الياسمين.jpg)
ومن أجواء الديوان:
قصيدة الجدار "مهداة إلى روح أبى"
لما تلاقى
حد كان عايش .. عشانك
محفور .. جوه جدرانك
ولما أكون وحدى
- يجينى –
صوت أنينى
يروح مكانك
صوتك بلابل
فوق السنابل
مخلوق خيالى
يطرح غناوى
قلبك أخضر
وأرضك سكر
أسد فـ غابة
مستحيل يهاب
صوت الديابة
ولما أيامى تهون عليا
وبيد حبايبى أغيش ضحية
واللى .. ليا يخون
"أنت تكون ليا الجدار"
وتقول فى قصيدة بعنوان "مكتوب "
كم جرح يا قلبى وأنت تتحمله
حزين
منين م تروح مكان تلاقى
مستنيك الألم
من حب راح وخانك
وناس كنت مطمن لها
فـ دروب مشيت ملهاش آخر
بتدور على طريق آخر
وعيون تحضنك من الظلام
وخنقة البشر
تروح فين
وتشكى لمين
ولا تصبر ع المكتوب
لحد ما يبان للشمس شروق
تم أضافة تعليقك سوف يظهر بعد المراجعة