يحتفل العالم في الجمعة الأولى من شهر مارس بيوم تقدير الموظف، باعتبارهم هم ما يجعل الشركات قادرة على إبقاء أبوابها مفتوحة.
يوم تقدير الموظف
توجد أنواع من الموظفين الذين تجدهم فى كل شركة، ورغم أنهم يختلفوا بدرجة كبيرة، ويوجد بينهم نماذج ليست جيدة بالطبع، إلا أنه من حق الجميع الحصول على تقدير عمله بغض النظر عن سماته الشخصية، وفي هذا اليوم سألنا بعض الشباب عن وجهة نظرهم للتقدير في العمل، وطرحنا عليهم سؤال "في يوم تقدير الموظف.. تحب مديرك يقدرك إزاي؟"
قال "أحمد": "اليوم أصلًا بيحتفلوا بيه يوم الجمعة يعني إجازة رسمي، عشان كدا أنا بطالب مديري يعوضني عنها ويديني يوم غيره إجازة، وأنا هعتبر دا أحسن تقدير بالنسبالي."
![إجازة من العمل إجازة من العمل](https://img.youm7.com/ArticleImgs/2021/3/5/56678-إجازة-من-العمل.jpg)
إجازة من العمل
"يبطل كل يوم يتخانق معايا على النص ساعة تأخير، عشان مش طبيعي كل يوم نبدأ يومنا بخناقة، ولأنه صاحبي قلتله الكلام دا كذا مرة، بس هستغل يوم تقدير الموظفين وأجبره يوافق." كان هذا رد "مصطفى" عن رؤيته ليوم تقدير الموظفين.
![التأخير على العمل التأخير على العمل](https://img.youm7.com/ArticleImgs/2021/3/5/60584-التأخير-على-العمل.jpg)
التأخير على العمل
وبالانتقال إلى الفتيات، قالت "أسماء": "أول مرة أعرف إن فيه يوم اسمه تقدير الموظفين، وهستغل الاحتفال دا وأطلب من مديري إجازة كام يوم أفصل فيهم وأخرج مع أصحابي، أنا كل ما بطلب منه إجازة يقولي ظروف العمل لا تسمح."
![الخروج مع الأصدقاء الخروج مع الأصدقاء](https://img.youm7.com/ArticleImgs/2021/3/5/78216-الخروج-مع-الأصدقاء.jpg)
الخروج مع الأصدقاء
وتحدثت "نسمة" عن معاناة مختلفة ترغب من مديرها أن يشعر بها قائلة: "أهم تقدير بالنسبالي إنهم يزودا البريك يبقى ساعة بدل نص ساعة، عشان ما بلحقش أعمل فيه حاجة، وباكل بسرعة جدًا وكأن حد بيجري ورايا عشان ألحق أخلص قبل البريك ما يخلص، أو يسمحولنا ناكل على المكتب حتى لو سناكس."
![وقت البريك فى العمل وقت البريك فى العمل](https://img.youm7.com/ArticleImgs/2021/3/5/68782-وقت-البريك-فى-العمل.jpg)
وقت البريك فى العمل
بينما اختتم "محمد" الحديث عن يوم تقدير الموظف قائلًا: "بما إني أنا المدير، فأعتقد لو كان فيه مدير عليا كنت هطلب منه يشيل عني الشغل شوية، عشان نخفف عن بعض الضغط، ويديني إجازة أفصل فيها من غير ما يتصلوا بيا من الشغل في أجازتي."
![المساعدة فى العمل المساعدة فى العمل](https://img.youm7.com/ArticleImgs/2021/3/5/51456-المساعدة-فى-العمل.jpg)
المساعدة فى العمل
تم أضافة تعليقك سوف يظهر بعد المراجعة