تربت أجيال على لعبة بيت العروس "باربى" الشهيرة الشقراء، وقطع الأثاث الصغيرة ذات الألوان المبهجة التى تجعل الطفل يتخيل أن المنزل حقيقى وعليه أن يتحكم فى سير حياة اللعبة داخل منزلها طوال اليوم منذ استيقاظها فى الصباح حتى نومها بالليل وهذه اللعبة من الألعاب التى غزت السوق المصرى واحتلت غرف الأطفال.
![صورة أخرى لمجسم الأطفال صورة أخرى لمجسم الأطفال](https://img.youm7.com/ArticleImgs/2021/2/11/144613-صورة-أخرى-لمجسم-الأطفال.jpg)
صورة أخرى لمجسم الأطفال
وفى الآونة الأخيرة أصبح الكثيرون يفكرون فى تعزيز الهوية المصرية لدى الأطفال من خلال لعب أطفال مصرية خالصة لهذا فكرت الشيماء عبد الرحمن الكومى،خريجة كلية الفنون الجميلة، فى تصميم منزل لعبة بلمساتها الفنية الخاصة بها وروح مصرية. وعن بداية تصميمها للمجسمات المعمارية، قالت لـ" اليوم السابع" قائلة:" حبيت مجال الفن المعمارى خلال دراستى، وده خلانى أتعلم تصميم المجسمات المعمارية، وبدأت أطور من نفسى بأخد دورات تدربية فى المجال ده، لحد ما قدرت أصمم مجسمات معمارية صغيرة وأصمم أشكال تانية زى تحف وكروت معايدة وشجرة الذكريات وهي عبارة عن شجرة بيتعلق عليها كروت صغيرة مكتوبة عليها ذكرى جميلة من ذكريات الأسرة وبتتحط الشجرة فى أى ركن من أركان البيت".
![صورة أخرى لمجسم للأطفال صورة أخرى لمجسم للأطفال](https://img.youm7.com/ArticleImgs/2021/2/11/122971-صورة-أخرى-لمجسم-للأطفال.jpg)
صورة أخرى لمجسم للأطفال
![لوحة من رسومات الشيماء لوحة من رسومات الشيماء](https://img.youm7.com/ArticleImgs/2021/2/11/128934-لوحة-من-رسومات-الشيماء.jpg)
لوحة من رسومات الشيماء
وتابعت :" بدأت أصمم مجسمات معمارية بنفسي بأبسط الأمكانيات، عشان أنقل شكل الحياة الحقيقة فى البيوت من خلال مجسم صغير ثلاثى الأبعاد معمول من ورق، وده بيخلى أى حد يشوفه يحس إنه بيت حقيقى ".
![مجسم أخر من تصميم الشيماء مجسم أخر من تصميم الشيماء](https://img.youm7.com/ArticleImgs/2021/2/11/109986-مجسم-أخر-من-تصميم-الشيماء.jpg)
مجسم أخر من تصميم الشيماء
![لعبة أخرى لعبة أخرى](https://img.youm7.com/ArticleImgs/2021/2/11/60642-لعبة-أخرى.jpg)
لعبة أخرى
وعن فكرة بيوت ألعاب الأطفال الصغيرة، قالت :" وخلال شغلى في مجال التعليم الفني للأطفال ماقبل التعليم الأساسى، كنت بحاول أبسط المعلومات للطفل من خلال مجسمات صغيرة، بعمل مجسمات الظهار المادة العلمية بسهوله ويسر للطفل، وساعدنى أكثر دراستى للعمارة، فكرت فى تصميم بيت اللعبة الخاصة بالفتيات، وعملت أول بيت لبنت أخويا فى عيد ميلادها وفرحت جداً بيه وده شجعنى أعمل بيت تانى لبنتى".
![مجسم لغرفة معيشة للأطفال مجسم لغرفة معيشة للأطفال](https://img.youm7.com/ArticleImgs/2021/2/11/100660-مجسم-لغرفة-معيشة-للأطفال.jpg)
مجسم لغرفة معيشة للأطفال
![مجسم لغرفة نوم للأطفال مجسم لغرفة نوم للأطفال](https://img.youm7.com/ArticleImgs/2021/2/11/139317-مجسم-لغرفة-نوم-للأطفال.jpg)
مجسم لغرفة نوم للأطفال
وتابعت :"بحاول أستخدم فى تصميم بيوت الألعاب، خامات مشابها للواقع لتصميم غرفة نوم والصالة والمطبخ والحديقة، عشان الطفلة تحس إنه بيتها وهى اللى بتتحكم فيه فى كل تفاصيله".
![مجسم من تصميم الشيماء مجسم من تصميم الشيماء](https://img.youm7.com/ArticleImgs/2021/2/11/95071-مجسم-من-تصميم-الشيماء.jpg)
مجسم من تصميم الشيماء
وعن الخامات المستخدمة فى صناعة بيوت الألعاب، قالت الشيماء :"بصمم البيوت من خامات مختلفة زى ورق الناصبيان المستورد، بعمل منه ماكيتات المعمارية وخشب أم دى أف، وبستخدم فى تصميماتى ألوان مبهجة مناسبة للبنات زى اللون الزهرى والموف".
![مطبخ مطبخ](https://img.youm7.com/ArticleImgs/2021/2/11/101801-مطبخ.jpg)
مطبخ
وأنهت الشيماء حديثها معبرة عن حلمها فى المستقبل، قائلة :" بحلم أمتلك المعدات والأدوات اللى تساعدنى فى تصميم بيوت الألعاب سواء للبنات والأولاد".
تم أضافة تعليقك سوف يظهر بعد المراجعة