قالت الفنانة ريهام عبد الغفور: "أقرب حد ليا في الوسط الفني حنان مطاوع بس هي مثقة عليا شويتين، وروحنا مع بعض قبل كدة في مهرجان كان وشوفت براد بيت ومعاه أنجلينا جولى، وكانت حامل وهو ماشى وراها بالشمسية".
وأضافت ريهام عبد الغفور، خلال لقائها في برنامج "الدوبلكس" لأبلة فاهيتا المذاع على قناة ON: "والدتى اسمها شمعة وبيتقال عليها كدة عشان من صغرها كانت بيضة وحلوة ومنورة، بس هي اسمها الأصلى فاطمة بس مش بنقوله".
وطلبت الأبلة فاهيتا من الفنانة ريهام عبد الغفور الاتصال بوالدتها لخلق مقلب بأنها اكتشفت خيانة زوجها وقررت الانفصال والطلاق، الأمر الذى تسبب في تعنيف والدتها لها في المكالمة ببعض الكلمات.
وأكدت ريهام عبد الغفور أن والدتها تحب زوجها جدا رغم انها لم تكن موافقة على زوجها في البداية، وده بسبب أن زوجى اتعرفت عليه في حفلة كان بيلعب طبلة كهواية، والناس قالوا ريهام عبد الغفور مرتبطة بطبال، فهى لطمت وقالها كمان طبال.
