علق الإعلامي عمرو أديب على اتجاه بعض الدول لزيادة رواتب الأطباء 6 أضعاف ما كانت عليه، وقال: "دلوقتي الدكتور اللي بيمشي مبيتعوضش، وزيرة الصحة بقت تلف على الطواقم الطبية وتسألهم عاوزين إيه وناقصكوا إيه، وزيرة الصحة عارفة إن الناس دي بتشوف اللي محدش بيشوفوا، عارفة إنهم بيواجهوا الموت يوميا، الأطباء في مصر قايمين بدور بطولي، لا يمكن بأي شكل من الأشكال إن يحصل تنمر ضدهم، دول داخلين معركة لا يعلمها إلا الله".
وأضاف عمرو أديب خلال برنامج "الحكاية" الذي يذاع على قناة mbc مصر: "والله لو أدوني فلوس الدنيا عشان أعدي من قصاد مستشفى كورونا مش هعمل كدة، لكن الدكاترة بتتعامل مع كل ده ومقبلين على ده من غير خوف، يجب أن تتعامل مع الطبيب بمنتهى الاحترام، قم للطبيب وفيه التبجيلا، العالم كله بيقدر الطبيب، ده في فيديو مؤلم جدا لواحدة بتعاير دكتورة لأنها بتتعامل مع مرضى فيروس كورونا وبتعالجهم وبتقولها يلا من هنا يا اللي عندك كورونا، بكرة لما ابنك يجيله المرض تروحي تبوسي إيديها".
وقال عمرو أديب: "أمريكا فتحت باب الهجرة ليها، قالت أي دكتور عاوز يجي ينور، ‘حنا لينا دكاترة شهداء في أمريكا قاموا بواجبهم، الست اللي كسرت جهاز تنفس صناعي دي لازم تتضرب بالجزمة، ده بمقام طيارة حربية في الحرب ده، هذا الأمر دونه الموت، لابد من وضع حماية كاملة وضمان واضح للأطقم الطبية، لأن من غيرهم مش هنلاقي حد يشيلنا في الأيام الصعبة دي".
عمرو أديب: الله يكون فى عون الأطباء.. لو قالولى خد فلوس وعدى من قصاد مستشفى هخاف
السبت، 11 أبريل 2020 11:02 م![عمرو أديب: الله يكون فى عون الأطباء.. لو قالولى خد فلوس وعدى من قصاد مستشفى هخاف عمرو أديب: الله يكون فى عون الأطباء.. لو قالولى خد فلوس وعدى من قصاد مستشفى هخاف](https://img.youm7.com/large/20200210101602162.jpg)
ماجد تمراز
مشاركة
اضف تعليقاً واقرأ تعليقات القراء
الموضوعات المتعلقة
![](https://img.youm7.com/large/202004111028432843.jpg)
متعافيات بمستشفى قها للحجر الصحى يوجهن الشكر للأطباء وينصحن بعدم الاختلاط
السبت، 11 أبريل 2020 10:41 م![](https://img.youm7.com/large/20200411120319319.jpg)
شقيق الطبيبة الراحلة: الأهالى رفضوا دفنها.. ووالدتها: قلت للناس سيبونى أدفنها
السبت، 11 أبريل 2020 10:41 ممشاركة
لا توجد تعليقات على الخبر
تم أضافة تعليقك سوف يظهر بعد المراجعة