قالت النجمة رانيا يوسف، إنها تحاب طوال الوقت من أجل الاستمرارية، مصيفا: لا يوجد راجل يستطيع تحمل المسئولية التى تقع على عاتقى"، وتابعت خلال حديثها لبرنامج مساء dmc، للإعلامية إيمان الحصرى، والذى يذاع على قناة dmc،: "بزعل من خيبه الأمل والزعل بيهدنى وياخد من طاقتى والوجع بيخلينى عاوزه انجح أكتر وابقى أحسن أنا مفيش حاجه تكسرنى مش بكسر مينفعش اقع واتكلم بينى وبين ربنا عشان عندى مسؤليات كتير فى رقبتى لازم اكمل".
وتابعت،"طول الوقت شايفينك من بره محدش يعرف جواكى ايه، واحده ست فى مجتمع ذكورى الراجل ميقدرش يشيل عشر اللى أنا شيلاه هيقع، أنا مطمع للرجالة لانى مشهورة وفنانة ومعاها فلوس والحياة مش سهله بس لازم تبقى محاربه، وبرفض ارتبط بحد عشان يشيل المسئولية محبش حد يتحكم فيا وانى اتجوز حد غنى عشان يصرف لا زى جوزاتى الثلاثة كانوا مش أغنياء بس مستورين، ومكملتش لان كان ناقص الأمان العاطفى والاحتواء، ويفهمنى ويفهم بناتى وملقيتش حد كده".
وأضافت، بحب الحيوانات جدا وبعشق تربيتهم ولازم الرفق بالحيوان ربنا خلقه معانا فى الأرض هو شكل وإحنا شكل ليتكاثر لازم يبقى فى رحمه وعدم تعذبهم".
![5ad90624-d1ca-46d1-a4e1-1d9bbe81728c 5ad90624-d1ca-46d1-a4e1-1d9bbe81728c](https://img.youm7.com/ArticleImgs/2020/10/18/137046-5ad90624-d1ca-46d1-a4e1-1d9bbe81728c.jpg)
![5b5447b9-0cc4-478f-af4f-80d124a1bfa9 5b5447b9-0cc4-478f-af4f-80d124a1bfa9](https://img.youm7.com/ArticleImgs/2020/10/18/232815-5b5447b9-0cc4-478f-af4f-80d124a1bfa9.jpg)
![12a06885-a017-423d-a0d9-26712b7d4c97 12a06885-a017-423d-a0d9-26712b7d4c97](https://img.youm7.com/ArticleImgs/2020/10/18/168807-12a06885-a017-423d-a0d9-26712b7d4c97.jpg)
![30d17d19-b947-4478-9190-c824b34256d5 30d17d19-b947-4478-9190-c824b34256d5](https://img.youm7.com/ArticleImgs/2020/10/18/130724-30d17d19-b947-4478-9190-c824b34256d5.jpg)
![a7c3f2cf-e854-4899-90e3-9542890d76c4 a7c3f2cf-e854-4899-90e3-9542890d76c4](https://img.youm7.com/ArticleImgs/2020/10/18/131681-a7c3f2cf-e854-4899-90e3-9542890d76c4.jpg)
![c50a31cb-587c-4652-88ea-7e96df997cd4 c50a31cb-587c-4652-88ea-7e96df997cd4](https://img.youm7.com/ArticleImgs/2020/10/18/133128-c50a31cb-587c-4652-88ea-7e96df997cd4.jpg)
عدد الردود 0
بواسطة:
samah salah eldin
مفيش راجل يقدر يشيل عشر اللى أنا شيلاه ومحدش يقدر يكسرنى
بأموت فى كلامك وبأيدك فعلا إنت كلامك صح لأنى أنا باقول نفس الكلام عنى إحنا تربية رجال بحق وحقيقى أنقرضوا من هذا الزمن ولا يوجد مثيل لهم إلا قليلا بس علشان منظلمش القلة القليلة ولكنى أجزم إننا فى عصر المرأة ذات الأنوثة المفقودة والمرأة الحديدية ذات الشهامة والمروءة التى إكتسبتها من غدر ما يقال عليهم بشر (بنى آدم) فى حياة كانت لابد أن تكافأنا ولكننا ننتظر الجزاء من الله وحسبى الله ونعم الوكيل نعم المولى ونعم النصير