تعانى الحيوانات الضالة فى فصل الشتاء من برودة الطقس بالشوارع وعدم وجود مأوى لحمايتهم وقت هطول الأمطار، بالإضافة إلى قلة الطعام والشراب والتعرض لأذية بعض البشر، ما دفع أحد سكان شوارع مصر الجديدة، للتفكير فى بناء منزل صغير، على رصيف أحد الشوارع ليكون بمثابة ملجأ للحيوانات الضالة لحمايتهم من الأمطار.
![منزل الحيوانات الضالة منزل الحيوانات الضالة](https://img.youm7.com/ArticleImgs/2020/1/14/70598-منزل-الحيوانات-الضالة.jpg)
منزل الحيوانات الضالة
تداول رواد مواقع التواصل الاجتماعى مجموعة من الصور المختلفة للمنزل الصغير الذى بناه أحد سكان مصر الجديدة، والكلاب تعيش فيه مع صغارها، وقد أشارت إحدى سكان مصر الجديدة والتى نشرت الصور، إلى أنها تفاجأت بأحد سكان الشارع يبنى منزلا صغيرا للحيوانات الضالة، لحمايتهم من الأمطار وبرودة الطقس، الأمر الذى أثار تعاطف باقى سكان الشارع، ليتسارعوا فى تقديم ما لديهم من طعام وشراب للحيوانات الضالة، ما شجع باقى الحيوانات للعيش فى المنزل الصغير، حيث قالت فى المنشور المتداول بموقع التواصل الاجتماعى "الفيس بوك": "فاكرين البيت الجميل اللى كنت نزلتلكم صورته قبل كدة، وقولتلكم إن حد من منطقتى عمله مخصوص عشان تستخبى فيه القطط والكلاب وقت المطر، وناس كتير أوى قالت إنه هيتسرق بس الحمد لله البيت لسه موجود، والأجمل بقى إنه طلع من نصيب ضيفة جديدة على المنطقة، فجاءة لقينها ظهرت فى الشارع، الضيفة دى كلبة حامل وسبحان الله أول ما دخلت الشارع جريت قعدت فى البيت ده وتانى يوم ولدت والغريب ان الكلاب بتاعه الشارع محدش قرب منها رغم انهم ماكنوش بيسمحوا نهائى لأى كلب غريب يقرب ناحية المنطقة".
![منزل الحيوانات الضالة بالشارع منزل الحيوانات الضالة بالشارع](https://img.youm7.com/ArticleImgs/2020/1/14/73251-منزل-الحيوانات-الضالة-بالشارع.jpg)
منزل الحيوانات الضالة بالشارع
![الحيوانات الضالة الحيوانات الضالة](https://img.youm7.com/ArticleImgs/2020/1/14/71842-الحيوانات-الضالة.jpg)
الحيوانات الضالة
وأضافت "المهم الكلبة بقالها فترة والدة والجراوى ما شاء الله كبرت وبقت قمرات، واحد من أصحاب المحلات عندنا لما لقى الجراوى ابتدت تخرج خاف عليهم من العربيات فنقل البيت من نص الرصيف لأخره علشان مايبقاش عائق قدام الناس اللى بتمشى على الرصيف، وبعد كده بنى حوالين البيت سور من الطوب عشان يحمى الجراوى الصغيرة واحنا كلنا فى الشارع بقينا مسئولين عن أكلهم وشربهم من غير حتى ما نتفق على كدة، والجراوى و مامتهم بقوا أصحابى جدا".
![منشور المتداول على مواقع التواصل الإجتماعى منشور المتداول على مواقع التواصل الإجتماعى](https://img.youm7.com/ArticleImgs/2020/1/14/450594-منشور-المتداول-على-مواقع-التواصل-الإجتماعى.png)
منشور المتداول على مواقع التواصل الإجتماعى
وأثار المنشور إعجاب رواد مواقع التواصل الاجتماعى، الذين أشادوا بتجربة أهالى مصر الجديدة، متمنين أن تكرر فى مختلف أنحاء الشوارع الجمهورية، لحماية الحيوانات الضالة من برودة الطقس وهطول الأمطار طوال فصل الشتاء.
تم أضافة تعليقك سوف يظهر بعد المراجعة