ما هي مش حدوتة ولا فزورة
البني آدم يا أصل يا صورة
قالوا زمان الطبع غلاب
هيبان ورا أول تكديرة
مستني ايه من ناس فيك
مزيفين أخلاقهم بوفتيك
واللي زمان ياما حكا ليك
مسيره في يوم هيحكي عليك
دول ناس فاضية و خيبانة
خسارة فيهم الكلام بأمانة
لو يوم ملاقوش فيك عيب
هيقولوا ده من درب التبانة
قال ايه ملايكة وبجناحات
بيشكوا منك لكل المخلوقات
ياناس كفياكوا تمثليات
مليتوا الكون أحقاد و آفات
ده اللي حكوا عني و أنا غايب
و عامللي فيها اخوات و حبايب
هي كلمة بنا وبينكم
أعراضنا ماهيش مال سايب
