العلاقة بين أى اثنين علاقة مبنية على التبادلية؛ يعنى خد وهات، سواء علاقة حب بين اثنين مرتبطين أو علاقة بين أصدقاء، لما بيحصل خلل فى العلاقة دى وبتفضل خد بس أو هات بس تدريجيا العلاقات دى بتبدأ تضعف، ومع الوقت بتصبح العلاقة بينهم سطحية لدرجة أنها ممكن تنعدم .
يعنى لو فيه طرف واحد بس هو اللى بيدى مش هيفضل يدى على طول، مهما كان درجة تمسكه بالطرف الآخر، لأنه طبيعى جدا مع الوقت هيمل ويزهق ويبدأ فى أن ينفر من حبيبه أو صديقه فتبادلوا الصداقة والحب والود بينكم لتبقى العلاقات قائمة.
