بمناسبة مرور 14 عاما على وفاة نجم الكوميديا الراحل علاء ولي الدين ننشر تسجيلا صوتيا نادرا له أثناء الحديث عن مشوار حياته وبدايته الفنية ونشأته مع الصحفى الكبير الراحل يوسف خليفة.
أنا عايز أعرف علاء ولى الدين اتولد إمتى ومين أخواته والمكان اللى اتولد فيه احكى لى بقى؟؟
أنا مواليد 11 أغسطس،93 شارع محمد على الدرب الأحمر، اتولدت في العمارة اللي كان فيها السفاح اللي عمل عليها شكري سرحان قصة فيلمه اللص والكلاب ، سعيد مهران دي قصة حقيقية الراجل السفاح ده فعلا أيامها جري فوق السطوح بتاع العمارة اللي أنا اتولدت فيها والبوليس ضرب نار عليه لما كان بيطارده، وبعد الححكاية دى قعدنا سنة فى شارع محمد على وبعد كدة بابا رحمه الله نقلنا مصر الجديدة.
![علاء ولى الدين علاء ولى الدين](https://img.youm7.com/ArticleImgs/2017/9/28/1864572-علاء-ولى-الدين.jpg)
علاء ولى الدين
بابا اللي حكى لك؟
آه طبعا وشهادة ميلادى إلى الآن 93 شارع محمد على الدرب الأحمر، لما بعمل قيد ليا بعمله فى الدرب الأحمر.
رجعت البيت ده تاني؟
زيارة برجع أشوفه، ببص الشارع والبيت اللي اتولدت فيه، بفرح وبعدين بفخر جدا إن أنا من مواليد شارع محمد علي، دى حاجة تشرف.
![الصحفي الراحل يوسف خليفة الصحفي الراحل يوسف خليفة](https://img.youm7.com/ArticleImgs/2017/9/28/44510-الصحفي-الراحل-يوسف-خليفة.jpg)
الصحفي الراحل يوسف خليفة
تم أضافة تعليقك سوف يظهر بعد المراجعة