اعتذرت الإعلامية منى عبد الوهاب، للمخرج عمرو سلامة، مؤكدة أنها أساءت التقدير عقب قرار انفصالهما، موضحة: "لما حد محترم يدخل حياتنا باحترام لازم حتى لو خرج منها يخرج باحترام".
وكتبت منى عبر حسابها على فيس بوك: "لما بنحب حد جدا أقل حاجة منه بنشوفها كبيرة أوى وبنزعل منها جدا، وأزمة العاطفة فى حياتنا إنها بتحد من العقل وبتخلينا مندفعين، أنا أسأت التقدير لما عبرت عن إحساس شخصى جدا على صفحتى الشخصية ولما ما توقعتش إن الموضوع يهم الصحافة أوى بالشكل دا، ولأنى من اندفاعى مفكرتش إن العلاقات الإنسانية المهمة فى حياتنا ما ينفعش نختزلها فى كلمتين على الفيس بوك".
وأوضحت منى: "لما حد محترم يدخل حياتنا باحترام لازم حتى لو خرج منها يخرج باحترام، أنا مدينة باعتذار من أعماق قلبى لعمرو سلامة ولعائلته الكريمة جدا، الحقيقة إن عمرو مش مجرد حبيب أو خطيب، عمرو أقرب إنسان ليا فى الدنيا وأعز صديق بين كل أصدقائى المقربين، الحقيقة إنى آسفة جدا بسذاجة تسببت فى هرج ومرج لا يليق بأحدنا، أسفة جدا عمرو سلامة".
