أحمد ماهر فنان كبير، سجل فى المعادلة الرقمية 230 عملا فنيا متنوعاً (سينما، مسرح، دراما، سهرات تليفزيونية)، وللفنان الكبير شخصيات راسخة عند الجمهور، نعد منها "دبور" فى ذئاب الجبل، و"عرابى الصوامعى" فى ريا وسكينة و"دياب ابن غانم" فى السيرة الهلالية، و"هولاكو" حفيد جنكيز خان فى الفرسان و"عقبة بن نافع" فى الفتح المبين، و"محمود يونس" فى ناصر 56، و"عبده قرانص" فى شمس الزناتى، وغيرها كثير من الشخصيات.
أحمد ماهر فى إحدى الأدوار التاريخية
ظل أحمد ماهر فى حالة توهج فنى بأعماله الدرامية والمسرحية، لكنه مؤخرا سلك مسلكا آخر بتقديمه إعلان يروج عن إحدى منتجات "التخسيس"، (تجدر الإشارة إلى أن الفنان قدم سابقا إعلانات مهمة منها حملة تنظيم الأسرة واشتهر الإعلان بجملته الشهيرة الراجل مش بس بكلمته الراجل برعايته لبيته ولأسرته).
فى شخصية دبور
لكن إذا كان للفنان الكبير شيئا يخجل منه بعد هذه الرحلة الطويلة، هو إعلانه الأخير الذى يروج فيه للتخسيس، إذ ظهر بأكثر من شكل مختلف، حتى أنه "نحت" شخصية "الشيخ سلامة" لـ حسين رياض فى الفيلم الشهير "وإسلاماه" عندما أمام جامع الأزهر يصيح بأعلى صوته ليجمع كل الناس حوله قائلا: "يا أهل المحروسة تعالوا واسمعوا أنا عايز اقول لكم حكاية محمود وجهاد مع التتار"، لكن أحمد ماهر بدل من أن يحكى شيئا من التاريخ على غرار حكايات التتار ومحمود وجهاد روج عن إعلانه و"خسسانه".. ربما هذا ما دفعنا للتساؤل هل فقد أحمد ماهر رصيده عند الجمهور بإعلانات "التخسيس"؟
فى شمس الزناتى
عدد الردود 0
بواسطة:
مصرى صريح
يا بلدينا الحديد بولى و احنا منبولينا
فوق.ههههههههههههههههه
عدد الردود 0
بواسطة:
محمد يوسف محمد عثمان
نصيحة لكل انسان كبير
لاتفعل الصغائر مهما كانت الظروف والاغراءات حتى تظل كبيرا ولاتسقط من عيون الاخرين
عدد الردود 0
بواسطة:
السكرى
غول الاسعار ويمكن محتاج فلوس
الراجل مش بيمثل زى الاول ومحتاج مصاريف تغطى احتياجته فيوافق على اى اعلانات للحصول على اللى يعنه على متطلبات الحياه فى ظل غول الاسعار اللى هيأكل الكل فى طريقه
عدد الردود 0
بواسطة:
gemy
ياعم الفلوس تخلى الواحد يعمل اى حاجه بس المهم يكون منتج مفيد للناس مش اونطه
احمد ماهر فنان محترم ولة تاريخ فنى متميز وواشتراكة فى اعلان لاى منتج مش عيب ولا حرام لكن العيب والحرام انه يكون منتج سىء وولا يحقق اى فوائد او ميزه يعنى غش وضحك على الناس الغلابه خصوصا لو كان المنتج متعلق بالصحه لان المريض بيكون زى الغريق يتعلق بقشه . فذا كان المنتج الى بيعلن عنه احمد ماهر على بشان التخسيس بيخسس فعلا وبيحقق نتائج جيده جدا فاهلا وسهلا بيه وساعتها الناس تدعيله انما يطلع منتج اونطه يبقى ده نصب على الناس الغلابه ويكون مذنب فى حقهم ويكون مشارك بفعايه فى عملية النصب .
عدد الردود 0
بواسطة:
المصري
اعلان عن فلم رعب
هذه الايام اعلانات بيع الهواء مغلف فى كياس والمنشطات وفك السحر والشيخ والشيخه المغربيه حتى خرج علينا شاب لابس نظاره كعب كوبايه والفنان احمد ماهر باعلان مرعب بيشخط ويشخر فى شعب مصر لو راجل اطفح مشروب بلاستيك سايح لونه اخضر جاي من كلاولمبور 90كيس 90 يوم بصراحه ان من شدة الرعب و الشخط بتاع الفنان جسمي نزل 90 كيلو واصبحت مثل الفتله وبشكر الفنان احمد ماهر على الرعب
عدد الردود 0
بواسطة:
أبو شريف
إعلان سخيف
لا يتناسب هذا الإعلان مع التاريخ الفني لآحمد ماهر وبالفعل سيفقد الكثير من جمهوره وقيمته الفنية مهما كان المقابل المادي وخاصة انه إعلان سخيف بنغير المحطة فوراً عند مشاهدته .
عدد الردود 0
بواسطة:
صريح
للاسف سقط من نظرى بعد هذا الاعلان .. اعلان دون المستوى بصراحه
اول مااشوف هذا الاعلان بقلب القناه لانه اعلان مزعج ومعمول بطريقه مستفزه من صوت لتصوير ومفيش فيه اى ابداع ..
عدد الردود 0
بواسطة:
مواطن
الحشد الشعبي
من ساعة ما زار الحشد الشعبي العراقي هو وبعض الممثلين بكل غباء وسذاجة انتهى رصيده وخسر الكثير من الاحترام وكشف للناس كم من الجهل والسذاجة يملكه بعض الفنانين وهذا كان منهم،
عدد الردود 0
بواسطة:
بنت مصرية
رصيده فى البنك !!
هو الواضح تماما ان رصيده فى البنك هو اللى قل !! فده خلاه يعمل اى حاجة بتجيب فلوس , الفنان احمد ماهر فنان محترم , ومش عارف يمشى مع الهوجة الفنية الحالية اللى بيسموها فن !! فبالتالى مبيشتغلش , فاحتياجه للمال هو اللى خلاه يعمل اعلان زى ده , اهو ارحم ما يقبل اى دور من بتوع اليومين دول اللى الفيلم عبارة عن مطرب شعبى وبلطجى ورقاصة وبيتعمل عليهم فيلم يكسر الدنيا , الراجل ده طبعا ملوش فى الكلام ده , فمنقدرش نقول غير الله يكون فى عونه , حاجة تحزن لما فنان محترم زى ده يضطر يعمل كده علشان يعرف يجيب فلوس !!
عدد الردود 0
بواسطة:
مواطن مصرى
االاعلان البايخ المستفز
خسر كتيييييييييييييير انا اول ما بشوف الاعلان بقلب القناه وكرهت المنتج ولو هو اللى هيخسسنى مش عايزاخس ......الحاح مستفز