قبل ساعات قليلة على انطلاق النهائى الأفريقى المرتقب بين منتخب مصر ومنتخب الكاميرون حرص عدد من جماهير الكرة المصرية، وأبناء الجالية المصرية بالخارج على بث رسائل دعم للاعبى المنتخب الوطنى لحثهم على حسم وحصد اللقب الأفريقى الثامن فى تاريخ المنتخب الوطنى، حيث وجه عدد من المصريين بالخارج رسائلهم للاعبى المنتخب طالبوهم فيها بالتركيز واللعب برجولة اليوم أثناء لقائهم بأسود الكاميرون لتحقيق حلم المصريين.
![مصريون بالخارج يتمنون فوز مصر أمام الكاميرون مصريون بالخارج يتمنون فوز مصر أمام الكاميرون](https://img.youm7.com/ArticleImgs/2017/2/5/35380-المصريون-بالخارج-(1).jpg)
مصريون بالخارج يتمنون فوز مصر أمام الكاميرون
قال مصطفى رأفت، أحد المصريين المقيمين بالإمارات: "إن شاء الله اللقب مصرى وشدوا حيلكم يا رجالة أنتوا تقدروا وإحنا واثقين فيكم وياريت اللى مشفش المنتخب فى الماتشات اللى فاتت ميشوفوش دلوقتى علشان نكسب".
أما رامى الطواب، مصرى مقيم بالسعودية فقال:"شدوا حيلكم يا رجالة لأن أنتوا والله الحاجه الوحيدة اللى بتصبرنا على غربتنا وبتفرحنا وإحنا عندنا ثقة فيكم إن شاء الله، وأضاف زكى الشناوى مصرى يعمل بالأردن: "أنتوا رجالة وذى ماعودتونا بترجعولنا بالكأس، عايزين عطاء ورجولة فى الملعب، الننى آمالنا عليك كبيرة وصلاح أمالنا أكبر وأكبر وإن شاء الله ترجعولنا بالكأس".
مصرى بالخارج: عايزين نفرج
فيما قال أمير وعدد من المصرين بالخارج:"من المملكة بنشجع مصر ويارب النصر يا أبطال".
مصريون وعرب يستعدون لمشاهدة نهائى أفريقيا وتشجيع مصر
وقال محمد السيد، أحد العاملين بالخارج:" تحيا مصر والنصر لمصر وعايزين نرجع أمجاد زيدان وسونج إن شاء الله ".
ودعا أحمد فرغل ورفاقه بالسعودية قائلين:"يااارب النصر لمصر اتنين أو تلاتة أو أربعة".
تجمع مصريين بالخارج لمشاهدة مبارة مصر والكاميرون
وقال عمرو البنا، مصرى بالإمارات:"اللاعيبه رجالة وهانكسب إن شاء الله ولازم تفرحوا التسعين مليون النهار دا إن شاء الله".
فيما حرص عدد من العرب على دعم لاعبى المنتخب قبل نهائى اليوم، حيث قال أحد المواطنين الأردنيين بالسعودية:"تحياتى للمنتخب المصرى وعقبال ماتجيبوا الكأس وتفرحوا كل الناس"، وأضاف:"تحياتى لحارسكم الحضرى، ساخرا من حارس بوركينا:"ابقا تعالى وهات معاك العيال".
فيما تمنى هندى مقيم بالسعودية فوز المنتخب المصرى على الكاميرون 2_0 وقال آخر يمنى:" إن شاء الله النصر لمصر والفرحة لشعب مصر".
عدد الردود 0
بواسطة:
منين نجيب الصبر
منين نجيب ناس لمعناة الكلام يتلوة--الكاس فى الجابون يالة بسرعة فوزوا على الكاميرون وأرجعوا وهاتوة
كلام قالوة ناس ويامة بكرة للتاريخ يحكوة--القول على سبع القول على سبع لكن سبع مصراى الاسم عصام لكن النئب حضراوى-- وأول الجد عصام معاة مجموعة مقاتلين --دخلوا على الكاميرون وقالوا واكلنهم واكلين--وبسرعة البرق جاى هدف مصرى بيجرى --وهب يدخل فى الجون وأحنا كنا مستنيين --والمنتخب حالف لكل المصريين --احنا بالكاس راجعين ومنتصرين --عصام قال دة مش كفاية --أحنا على روسيا رايحين--وهنعمل ملحمة زى ملحمة صلاح الدين--يا منتخب حصد الميداليات حصد--وفزت يا وعدى--ولو كان الكاس لة قلب مكنش سابك مكنش سابك ست سنين-- وكان ظل بين أيديك وملقاش حد يشيل --برافو يا منتخبى تن تن تن را را تن تن تن