والد مهاجم متحف اللوفر: لو عند ابنى ميول دينية... by youm7
قال والد مهاجم متحف اللوفر عبدالله الحماحمى، إن نجله ليس له أى ميول سياسية دينية على الإطلاق، وليس له علاقة بالحادث حسب أكد الفرنسيون أنفسهم حسب قوله، وتابع: "لو له ميول سياسية كنت كرشته من بيتى.. أنا بقول الحقيقة لأنى لم اتحمل هذا الأمر.. هو كان فى دبى مع أخوه وقال أنه هيشوف المعالم السياحية وراجع يوم السبت".
وأضاف والد المتهم فى حوار قصير لفضائية "ON live"، أن نجله يجيد اللغة الانجليزية والكمبيوتر، وليس له أى توجه دينى، وله شقيقان ضباط شرطة أحدهم فى الرقابة الإدارية والأخر فى الأمن المركزى، وتابع:" هما نفسهم قالوا مفيش حاجة رسمية وكلها احتمالات".
عدد الردود 0
بواسطة:
أحمد
ملامحه الشرقية وذقنه أشعلت العنصرية ضده/حظه ونصيبه/
ملامحه الشرقية وذقنه أشعلت العنصرية ضده/حظه ونصيبه/
عدد الردود 0
بواسطة:
منين نجيب الصبر
شكرا سيادة اللواء على التوضيح ونعذرك -ولكن كلام ابنك على صفحتة بيقول غير كدة خالص
لك الحق فى الدفاع عن نفسك فى تربيتة وعنة فيما وصل الية--أما الحقيقة فستكشفها الايام القادمة--ولا تؤاخذنا أن كنا قد أسرفنا فى الهجوم عليكم لأن الأمر لا يتعلق بشخصكم أو بأبنكم --بل يتعلق بمصر كلها بصفتة ابنا من ابنائها أساء أليها وللعرب جميعا--ناهيك عن ونة أساء أسائة بالغة وفى مقتل الى الاسلام والمسلمين--ودة مايرضيش ربنا ولا أى حد--نعذركم كون الصدمة كبيرة عليكم وفوق طاقة تحملكم
عدد الردود 0
بواسطة:
مجدى
يا سلااااااااااااام أصل الجهات الأمنية الفرنسية بتتلكك لأبنك عيب على سنك انك تكذب الحقيقة
فوق
عدد الردود 0
بواسطة:
مصري
يارقم 3/ أسلوب الإعتراض حقك لكنه أب وله حق الدفاع والفيسبوك ممكن الدخول عليه مثل التلفون ولاتشمت
يارقم 3/ هناك أسلوب للتخاطب والإعتراض حقك لكنه أب وله حق الدفاع والفيسبوك ممكن للآخرين الدخول عليه مثل التلفون تماما. ولاتشمت لعله سؤء تفاهم أوقعه في يد عنصرية.
عدد الردود 0
بواسطة:
moustafa
ياراجل اعقل
كون ابنك يعمل كده ممكن نعذرك لان دى حاجة ممكن تحصل لاولادنا كلنا لكن كونك تدافع عنه بالطريقة الغبية دى زى الامهات اللى نايمه على روحها وفاكره ابنها احسن واحد فى الدنيا يبقى عيب عليك لانك كده بتسئ لنفسك ولابنائك الضباط لان عيب لواء يحكم على موقف بالعواطف ومفروض تنتظر وتصمت تماما وتبطل ظهور او كلام فى الاعلام لان ماحدش ح يفيدك بحاجة والنتيجة انك بتهين نفسك من غير لازمة وكفايه ان ابنك جه اسمه فى جريمة ارهابية خايبة وفضح المصريين وخلى سمعتنا فى الحضيض
عدد الردود 0
بواسطة:
مصري وطني .ضد كلاب اهل النار الضالة المرتزقة اعداء الانسانية
الي رقم 3
يا اخي وارد ان الواد لم يقول لاحد لان اكيد كان عارف رد الفعل من ابوه . هو كل الكلاب الضالة اللي انتمو الي العصابة الارهابية قالو لاهليهم ؟ اذا كان ولدة الواد اللي فجر الكنيسة قالت ان ابنها في السودان وليس في مصر يجب ان نحسن الظن في بعض الناس
عدد الردود 0
بواسطة:
حدوتة مصرية
محدش قال انك طردته
انت بس قلت له يخليه قاعد ف الامارات ولو عاوز يطلع عا اللوفر يبقى من بره بره تمام يا خوى؟
عدد الردود 0
بواسطة:
احمد
الناس اللى بتهاجم الاب والابن.. اتقوا الله احتمال ولو 50% ان الشرطة الفرنسية بتداري على جريمتها
ولا علشان عندكم احساس بالنقص وبتعتبرو الغرب ملائكة وانتم شياطين .. ايوة انتم مش احنا
عدد الردود 0
بواسطة:
الحمد لله احمد
الاباء اخر من يعلم
الاباء اخر من يعلم