رايح أصلى صلاة ربنا
وأدعى فى ساعة استجابة
يرفع الهم والبلاء عننا
يحمينا ويستر عرضنا
وفى صلاح الحال والبال
ورضاه على طول عننا
ويرزقنا ويطول عمرنا
وكانت آخر صلاة أقابل بيها ربنا
رايح أصلى صلاة ربنا
انا وابنى وجيرانى واهلنا
فى يوم عيد علينا كلنا
وعلى كل خطوة للمسجد
الملايكة تدعى لنا
ويفرح بعباده ربنا
نسمع خطبة
تهدينا تريح قلبنا
ويدعى الامام
ونأمن كلنا
ولا كنا نعرف انها
أخر صلاة كانت لنا
رايح اصلى صلاة ربنا
وادعى لاحبابى فى القبور
يجعل قبرهم من نور
ويزدهم سعة وسرور
وفى جنة الخلد يجمعنا
وأنا اللى جه عليه الدور
اكون معاهم وانا طهور
وأنا بصلى صلاة ربنا
لا مدى خوانه
و سايبها على مولانا
اتارى رصاصة الغدر
واقف متربصة لنا
بأسم الدين
وهما ملاعيين
شيطان فى الارض رجيم
وبدل ما يصلوا جنبا
رفعوا النار علينا كلنا
وهما فاكرينه انتصار
او هزيمة لنا وانكسار
لا دى الحياة كلها اعمار
واحلى شهادة انكتبت لنا
وانا بصلى صلاة ربنا
عدد الردود 0
بواسطة:
محمد أبو هرجة
اوجعتنا يا استاذ وائل
فعلا استاذ وائل الشعر اقوى من مليووون مقال يجعل المشاعر والقلوب تتحرك ويؤثر فى الملاييين وخصوصا كلماتك البسيطة المتناسقة حفظ الله الوطن من كل سوء وربنا ينتقم من هؤلاء القتلة الفجرة
عدد الردود 0
بواسطة:
على حسن
الشهداء الى الجنة باذن الله و قاتلهم فى النار
الانتقام لمن قتل المصلين الامنيين واجب شرعى و مطلب و حق لذوى الشهداء و مصر كلها
عدد الردود 0
بواسطة:
وائل عبد الودود حسين
قلوبنا مليئة بالحزن والاسى
استاذ محمد أبو هرجة وحشتنا ووحشتنا قصصك الجميلة اشكرك من قلبي المليء بالاسى والحزن تجاه ما يحدث من هدر للدماء المصرية الغالية علينا ,من قتل نفس بشرية بغير حق فقد قتلنا جميعا ,استاذ على حسن اشكرك على تعليقك وان شاء الله الشهداء الى الجنة و قاتلهم فى النار وإن انتقام الله من هؤلاء القتلة الفجرة فوق كل انتقام حفظ الله الوطن من كل سوء