أثارت "ملك الكاشف" فتاة متحول جنسيا تبلغ 18 عاما فقط، جدلا كبيرا عبر موقع التواصل الإجتماعى "فيس بوك"، عبر نشرها لقصتها كاملة موثقة بالصور فى ثمانى مراحل، ولكنها فى النهاية تؤكد على ثقتها بنفسها والتى دفعتها لنشر صورها قبل وبعد تغيير شكلها من "مالك" إلى "ملك".
المتحولة جنسيا تحكي قصة تحولها
وتحت عنوان :" بكل بساطة و فخر وهدوء دى أنا" روت ملك مراحل قصتها، من سن 13 إلى 18 عاما، قائلة :"خمس سنين من العنف والأذى .. خمس سنين من الصراع النفسى والجسدى .. خمس سنين من استقلال وشغل و دراسة كلهم أصعب من بعض لأن الكل كان نابذنى.. مش سهل تلاقى بنت عابرة جنسيا ( متحولة جنسيا ) تنزل صور ليها قبل تغيير شكلها وقبل العمليات، لأن بكل بساطة كل صورة من دول بتحمل أذى نفسى كبير جدا ليا وكنت بتجنب أن أى مخلوق يشوفهم وبكتفى بصور الفترة الحالية".
![متحولة جنسيا (2) متحولة جنسيا (2)](https://img.youm7.com/ArticleImgs/2017/11/19/205553-متحولة-جنسيا-(2).png)
الفتاة تفتخر بكونها امراة
وأكدت ملك أنها لا تخجل من نشر هذه الصور، لأنها فى النهاية "حقيقتها"، قائلة :"بكل بساطة أنا بنت جميلة ومقاتلة حاربت سنين عشان أفوز بنفسى"، مشيرة إلى أن لديها الكثير من التقارير الطبية التى تثبت حالتها، والتى أخدتها بعد سنين كثيرة وبعد محاربة "على حد قولها".
وتقول ملك :"سنين بحاول جاهدة أعمل عملياتى الجراحية عشان أبص لجسمى وأنا مرتاحة، وقدرت بعد معاناة وتعب أعمل جزء منها.. سنين وأنا كل يوم ببكى بالدموع لأنى كنت بشوف فى مرايتى ولد مش بنت وحقيقتى البسيطة هى أنى بنت محبوسة فى جسم ولد".
متحولة جنسيا في واحدة من مراحل تحولها
أما عن رأى الطب والدين فى حالتها، تؤكد ملك :"فى أمور مبنحتجش فيها رأى الطب و الدين وحتى أقرب الناس لينا، فى أمور بتكون أوضح من الشمس بس لو قررنا نشوف بقلبنا مش بعيوننا و من الأمور دى هى أحنا .. ذاتنا .. هويتنا وميولنا وديننا اللى فى الأول و الاخر هم لينا مش لحد".
وتابعت ملك أنها بحثت كثيرا عن الدعم، وحاولت مقاومة النبذ والعنف والخوف، ولكن حاليًا بعد وصولها إلى هدفها تفخر بنفسها، قائلة :" أخيرا أوصل لليوم اللى أكون فخورة فيه بنفسى أنى بطلة ومقاتلة وحقيقية مش مصطنعة".
وكتبت ملك عبر حسابها بـ"فيس بوك": حياتنا كعابرين جنسيا من أصعب الأشياء اللى ممكن إنسان يعيشها من فترة قطعت شرايين إيدى ولحقونى وروحت مستشفى عملت عملية وخيطت الشرايين وخيطت إيدى".
![متحولة جنسيا (2) متحولة جنسيا (2)](https://img.youm7.com/ArticleImgs/2017/11/19/30585-متحولة-جنسيا-(2).jpg)
متحولة جنسيا تنشر صور لها بدون احراج
وتابعت: "فى اليوم اللى أخدت فيه قرار أنى أعمل عملية تصحيح جنس، كنت عارفة، ومتأكدة أنى هخسر حاجات كتير.. وفعلا خسرت .. خسرت أهلى ودراستى وحياتى الشخصية، وكل شئ، بس الأهم أنى كسبت نفسى".
وأضافت: "بنضطر نعيش بشخصيتين قدام العالم عشان نضمن السلام والرحمة.. عشان نضمن منتأذيش .. راجل قدام الأهل والجيران والمدرسة والشغل وبنت قدام مرايتى ..أصعب حاجة فى الدنيا لما تبقى مضطر تتقمص شخصيه ملهاش أى علاقة بيك ولازم تتقنها عشان العالم اللى حواليك ميفرمكش".
![متحولة جنسيا (3) متحولة جنسيا (3)](https://img.youm7.com/ArticleImgs/2017/11/19/41810-متحولة-جنسيا-(3).png)
متحولة جنسيا تعيد تدوينة قصتها كل عام
وقسمت ملك مراحل تحولها إلى ثمانى مراحل تجسد كل منها فى صورة: وترويها كالتالى :
سن 13 سنة كنت وقتها سيبت البيت لأول مره لأن أهلى رفضو أنى أقعد معاهم وأنا بقولهم أنى بنت.. عيشت 9 شهور في الشارع وكنت بشتغل فى كوافير بشبرا بـ40 جنيها فى اليوم وبنام فى جنينة فى المظلات تذكرة دخولها خمسة جنيه.
سن 14 سنة وقتها كانت بداية إنى أحط ميكاب أو أحاول أغير فى شكلى عشان نفسيتى كانت متدمرة، ووقتها كنت بواجه ضرب فى الشارع والبيت والمدرسة وفى يوم اتضربت من 42 طالب فى الفصل .
15 سنة ودى كانت نقطة فاصلة لأنى رفضت أفضل فى جسم مش جسمى وأخفى حقيقتى البسيطة وهى أنى إمراة وقتها واجهت عنف أسرى بشع وكانت أول مرة أدخل مصحة واتحبس فيها 20 يوما بدون سبب واحد طبى.
16 سنة كنت وقتها سيبت البيت والمصحات بعد ما أهلى قلعونى هدومى فى الشارع فى وسط البلد، لأنى كنت نازلة بلبس أنثوى وهم عرفوا وشافونى واتضربت وروحت مصحة، وأول ما خرجت منها هربت من البيت وصديق ليا استضافنى
فى بداية سن 17 سنة بعد ما عملت أول عملية فى جسمى و كنت وقتها رجعت بيت أهلى تانى بعد مفاوضات كتير لكن العنف والأذى منتهاش.
نفس السنة بعد مرور شهرين على عمليتى بعد ما أهلى رفضونى تماما واضطررت أروح أعيش عند صديق ليا واشتغل 12 ساعة بمقابل 800 جنيه عشان أقدر أصرف على نفسى.
![متحولة جنسيا (4) متحولة جنسيا (4)](https://img.youm7.com/ArticleImgs/2017/11/19/30823-متحولة-جنسيا-(4).jpg)
المتحولة جنسيا تنشر صور لها بكل فخر
![متحولة جنسيا (5) متحولة جنسيا (5)](https://img.youm7.com/ArticleImgs/2017/11/19/24662-متحولة-جنسيا-(5).jpg)
![متحولة جنسيا (6) متحولة جنسيا (6)](https://img.youm7.com/ArticleImgs/2017/11/19/38303-متحولة-جنسيا-(6).jpg)
![متحولة جنسيا (7) متحولة جنسيا (7)](https://img.youm7.com/ArticleImgs/2017/11/19/19617-متحولة-جنسيا-(7).jpg)
المتحولة جنسيا بعد تحولها لبنت
متحولة جنسيا في واحدة من مراحل تحولها
عدد الردود 0
بواسطة:
.
تصحيح مسار
بدل التحول الجنسي .لان بيكون في مشكلات صحية بيتولد بيها الانسان . و مش عارف هو ولد. و لا بنت. و بعد التحاليل و الاشاعات . بيبين انة و لد و لا بنت . و من هنا . يحدث . تصحيح المسار .و الله الشافي.
عدد الردود 0
بواسطة:
مهندس / صلاح
لو عندها أعضاء انثوية كاملة فما المشكلة !؟
لم يأتى الخبر بتفاصيل وافية ، لو أعضائها انثوية كاملة فلا يوجد أدنى مشكلة ، وله فى ذلك حكم !
عدد الردود 0
بواسطة:
متابع
هو ليه الناس ماتسيبش الناس في حالها
ليه الكل بيتدخل في حياة غيره بالشكل الفج ده - الموضوع طبي وهرموني وتحاليل وعلاجات ومن يفصل في ذلك الطبيب وحتى مش الشخص نفسه - وعلى راي من قال الناس في حالنا اكثر ماهما في حالهم - اسال الله العفو والعافية للجميع
عدد الردود 0
بواسطة:
سيف الدين حمدان
دعوا الخلق للخالق
مش فاهم إيه المشكلة ، ما يتحول إن شالله يبقى جراندايزر حتفرق إيه معانا ، الناس دي بتتعذب عذاب من الجحيم وخاصة في مجتمع منافق مزدوج المعايير زي المجتمعات الشرقية