مصطفى بكرى: ظهور سليمان جودة و"الحكيم" على قناة إخوانية سقطة مهنية

الجمعة، 06 أكتوبر 2017 07:47 م
مصطفى بكرى: ظهور سليمان جودة و"الحكيم" على قناة إخوانية سقطة مهنية مصطفى بكرى
كتب أحمد عبد الرحمن

مشاركة

اضف تعليقاً واقرأ تعليقات القراء

قال الكاتب الصحفى مصطفى بكرى، إن ظهور الصحفيين سليمان جودة وسليمان الحكيم، على قناة مكملين الإخوانية، سقطة مهنية وأخلاقية ووطنية، مشيراً إلى أنها لا تُغتفر.

وأشار بكرى، خلال تقديمه برنامج "حقائق وأسرار"، إلى أن الصحفيين تحدثا فى القناة الإخوانية عن الانتخابات الرئاسية المقبلة 2018، مردفاً:"ملاقوش غير قناة مكملين، ويطلعوا مع الخائن محمد ناصر والعصابة اللى موجودة هناك".

وتابع:"عشان قناة مكملين بتدى 50 ألف دولار فى القعدة، نبيع الدنيا كلها ونروح نقعد مع الإرهابيين ونقول بندافع عن مصر"، مطالباً مؤسسات الدولة بالتحرك، قائلاً: "لحد إمتى هتفضل أيديكم مرتعشة".

وأردف بكرى: "شوفوا حازم عبد العظيم بيعمل أيه والعصابة اللى حواليه، وأنا بقول للرئيس السيسى بشكل مباشر، عاجبك ده؟، من المؤكد أنك غاضب وتعرف أبعاد المؤامرة، لماذا لا تتحرك الجهات المعنية لتحاسب الخونة على خيانتهم، ومن يتآمر على الجيش المصرى، ولماذا لا يحالوا للنيابة العسكرية". 

 










مشاركة

التعليقات 6

عدد الردود 0

بواسطة:

أشرف

ياأستاذ بكري إنت مش عارف سليمان جودة؟؟

سليمان جوده يخفي في قلبة كراهية للجيش يشيب لها الولدان، إرجع لمقابلاته على القنوات عشان تعرف، وتابع كتاباته الحالية عشان تتأكد، هو الوقت ماسك العصاية من النص يا أستاذ.

عدد الردود 0

بواسطة:

أبو الشيماء

حلوة الشغلانة ديه

يامصطفى ............. مش عايز تطلع فى قاعدة حلوة من أم 50 ألف دولار ........... تبيع وترجع تشترى تانى وكلها مصالح يادرش وربنا يسترها

عدد الردود 0

بواسطة:

حسن

مهزله

هل هي قناه مقملين و حسب يا عم الحبل علي الجرار..بدايه بالخنزيره مباشر ..و مساعدين سابقين لوزرير الخارجيه و الداخليه و صحفيين و و مسئولين في الدوله و اجهزتها..ثم تدعوا الحرب علي الارهاب باماره ايه...دول الخليج الثلاث منعت منعا باتا ظهور اي احد من مواطنيها ايا ما كان بالظهور في هذه القنوات المشبوهه و سنت لهم القوانين التي تجرمهم اما نحن في دوله السبهلله و النوم في العسل لاننا كما قال السيسي لسنا دوله بل شبه دوله

عدد الردود 0

بواسطة:

حسن

ورقه التوت

من يظهرون في هذه القنوات هم مرتزقه يتجارون بالوطن من اجل حفنه دولارات لا اكثر و هم يعلمون اكثر من غيرهم ان ظهورهم في مثل تلك القنوات ليس الا لاضفاء الشرعيه و اعطاء المصداقيه لكل ما تقوم به هذه القنوات من محاولات مستميته من اجل هدم مصر من خلال بث الاكاذيب و ترويج الاشاعات و اشعه الاحباط و الياس في نفوس المصريين و هم يعلمون ان مثل تلك القنوات لا تعطيهم ايه فرصه او مساحه لقول اراءهم لانهم ليسوا اكثر من محلل تستخدمه تلك القنوات للادعاء كذبا بانهم مهنيون و انهم يظهرون الراي و الراي الاخر..ان هؤلاء لا يزيدون عن كونهم ورقه توت تستر عورات تلك القنوات المتامره ..المفروض ان يعامل اي مصري يظهر بها معامله الخائن و العميل و ان تتم محاكمته علي هذا الاساس..الموضوع واضح وضوح الشمس و في انتظار قرارات دوله الجهابزه و القيمين علي الدوله الرخوه

عدد الردود 0

بواسطة:

hamid

الاستاذ مصطفى بكري...صوت الشعب النابض...ورد مفتّح في البرلمان

أستاذ مصطفى..الناس دي واخدة الخيانة شغلة...وبيع البلد شغلتهم..وهم بصراحة شغّالين.. وشايفين شغلهم..لكن ليه المسؤولين على حماية البلد من الخونة مش شّايفين شغلهم ؟! هم ليه بيستسهلوا الموضوع كلّه ؟! قنوات الخيانة والتحريض أنتشرت..وزاذت علشان المسؤولين سايبين الموضوع..يعني أن الخونة أمنوا العقاب..علشان كده بيقلّوا أدبهم على أعلى راس في البلد..مين المسؤول على أهانة الشعب..مش بسّ الشعب ..لأ..حتى أهانة أعلى راس في الشعب..يعني بيهينوا مصر كلّها في جميع أنحاء العالم..لأمتى حبايبنا المسؤولين هيسيبوا البلد تهينها الخونة..هم مشعارفين أنه ده اعلام ؟ وبيدخل كل بيت..هو أحنا مش في حرب أعلامية ؟! ليه الاهمال ده منهم ؟ ليه التساهل ده منهم ؟ ده مصير بلد بحكاملها..أستاذ مصطفى أنت صوت الشعب النابض..أصرخ في البرلمان بأعلى صوتنا..وشوف مين المسؤول بحماية البلد والشعب من الاهانة..اللى الخونة واخدينها شغلتهم..

عدد الردود 0

بواسطة:

المدير

الله يرحم يا بكري

انت نسيت زياراتك لصدام والقذافي كانت كل مصر في اتجاه وانت وحمضين في اتجاه أخر

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة