نشرت دار الإفتاء المصرية فتوى على موقعها الإلكترونى للدكتور على جمعة مفتى الجمهورية السابق، حول حكم الشرع فى تحمل الزوج نفقات حج زوجته، والتى جاء نصها: الحج ركن من أركان الإسلام، قال تعالى: ﴿الْحَجُّ أَشْهُرٌ مَعْلُومَاتٌ فَمَنْ فَرَضَ فِيهِنَّ الْحَجَّ فَلَا رَفَثَ وَلَا فُسُوقَ وَلَا جِدَالَ فِى الْحَجِّ وَمَا تَفْعَلُوا مِنْ خَيْرٍ يَعْلَمْهُ اللَّهُ وَتَزَوَّدُوا فَإِنَّ خَيْرَ الزَّادِ التَّقْوَى وَاتَّقُونِ يَا أُولِى الْأَلْبَاب﴾، والحج فريضة واجبة على المسلم رجلًا كان أو امرأة إذا كان مستطيعًا فى بدنه وماله على أداء مناسك الحج ونفقاته.
وللزوج ذمة مالية مستقلة عن زوجته وللزوجة كذلك ذمة مالية مستقلة عن زوجها، فإذا كان أحدهما مستطيعًا للحج دون الآخر وجب الحج على المستطيع منهما دون غيره، سواء أكان المستطيع الزوج أم الزوجة، والزوج ليس مكلفًا شرعًا بدفع نفقات الحج لزوجته، ولا الزوجة مكلفة شرعًا بدفع نفقات الحج لزوجها، أما إذا أراد أحدهما التبرع للآخر بنفقات الحج فلا مانع من ذلك شرعًا.
عدد الردود 0
بواسطة:
ايمان
حج ايه اللى انت جاى تقول عليه؟!
نفقات حج ايه اللى حيتحملها الزوج اذا كان بيقاوح اصلا فى نفقات الزواج من مهر و شبكه و اللى اتجوز مش قادر يتحمل نفقات الاكل و الشرب و السكن و اللى حيطلق بيبلطج على نفقات الطلاق و بيقهر الزوجه حتى تلجأ اللى الخلع عشان تنفد بجلدها من جبروته! ياريت الازهر بدل ميوضح ايه اللى مش على الزوج يوضح ايه اللى مش على الزوجه اللى بقت شايله الشيله كلها و فالآخر بتتهان و تنضرب و تتقتل و تترمى من البلكونات عشان الطبيخ و الغسيل، و الازهر ساكت عن الحق اللى بيقول ان الزوجه اصلا ليس عليها واجب الخدمه ببيتها بل ان الزوج عليه توفير اجر خادمه بل و مرضعه بنص القرآن الكريم! لكن الدعاه و واضعى مناهج التعليم الازهرى و العام و القضاه و الشرطه و الجيش و كل المسئولين من الرئيس الى العمده رجال، فمن ذا ينصف المرأه؟!
عدد الردود 0
بواسطة:
محمد البرنس
إلى تعليق رقم 1
ربنا يكرمك يا بنتي بابن الحلال اللي يدفعلك المهر والشبكة وميقاوحش معاكي
عدد الردود 0
بواسطة:
أحمد فخر الدين المصرى
الحج فرض وليس بواجب !!!
الحج فرض وليس وآجب ، برجاء التعديل ، فعن ابن عمر رضي الله عنهما قال سمعت رسول الله صلى الله عليه وسلم يقول : " بني الإسلام على خمس: شهادة أن لا إله إلا الله، وأن محمدا رسول الله، وإقام الصلاة، وإيتاء الزكاة، وصوم رمضان ،وحج البيت لمن استطاع إليه سبيلا"(رواه البخاري ومسلم).
عدد الردود 0
بواسطة:
محمد
إلى الأخ أحمد رقم 3
الفرض هو الواجب عند أهل الحديث وهو مذكور في كتب الأصول ومعناها ما يثاب فاعله ويعاقب تاركه . والله أعلم
عدد الردود 0
بواسطة:
حازم
الى رقم 1 - ايمان
(1) الازهر بيقول الحكم الشرعي في ماده معينة اتسال فيها. (2) الحج للقادر اما من يتحمل معيشته بالعافيه قهو غير قادر وغير مكلف بهذه الفريضة (3) نفقات الجواز في الاسلام هي المهر اللي حدده الشرع ومسكن ووظيفة ينفق منها على البيت - وان يكونوا فقراء يغنيهم الله من فضله - والحديث يقول: "أقلهن مهراً أكثرهن بركة" - الحديث يقصد اقلهن تكاليف - وطبعا لما الاهل يخنقوا الزوج بطلبات مالهاش اول من اخر يكون ده احد اسباب قلة البركة الي قال عنها الحديث هوه اللي يسبب كل اللى حضرتك قولتيه من ضرب واهانه وقتل - باختصار ناس لا تتقي الله يروحوا لناس برضه لا تتقي الله ويتعاملوا مع بعض بما يغضب الله وفي الاخر تقولي الازهر ساكت عن الحق - الحق حضرتك بيكون بتعامل الطرفين من الاول مش بعد ما تخرب مالطا نقول فين الدين. (4) وهذه اهم نقطة - انصاف المراة وانصاف الرجل يكون بتعريف ادوار كل واحد وما خلقه الله له - خليني اقولك النظرة العقلانية والمنطقيه للموضوع - فيه حاجة فيه حاجة اسمها رجل وحاجة اسمها امراة (لا يوجد مايفضل واحد على الثاني يعني لا ده احسن ده ولا العكس) ولكنها ادوار خلقنا الله لها - فالرجل دوره يسعى ويكد ويتعب بره البيت ليوفر له احتياجاته بكل ما تحمله الكلمة من معاني (يعني شغل فترة واثنين ومعافره مع كل ما هو خارج البيت من الشغل للمدارس والجهات الحكومية وغير الحكومية وتخليص اوراق وكل وجع القلب ده) والمراة تتعب وتكد جوه البيت لتوفر الجو الهادئ والطمانينة برضه بكل ما تحمله الكلمة (من شغل بيت لطبخ لتنظيف لرضاعة لتربية اولاد وكل الهم ده كله) - وعلى فكرة ربنا مابيظلمش حد لان ربنا جعل في كل واحد القدرة على تحمل مسئوليته يعني الرجل ممكن يشتغل 10 ساعات بس مايستحملش عياط طفل 3 دقايق والعكس صحيح - انا بتكلم عن الوضع الطبيعي لحدود ومسئولية كل واحد - اضرب لحضرتك مثل اضرب مثلا : لما ابنك ما يدفعش مصاريف المدرسة اول سؤال يتسأل ايه فين ابوه يدفع المصاريف؟ - عمرك سمعتي فين امه مابتصرفش عليه ليه؟ طيب لو ابنك راح المدرسة من غير ساندويتشات اول سؤال يتسأل ايه فين امه ازاي تودي الولد من غير اكل - عمرك سمعتي انه فين ابوه يعمله الاكل ؟ اللهم الا لو كان احد الابوين توفاه الله - فساعتها نقول له او لها الله يعينك (استثناء) - والله الامور واضحة كالشمس - بس الجدل هوه طامة هذه الامة. (5) ماقلته هو الوضع الطبيعي لما يفترض ان تكون عليه الامور ولا انكر ان هناك استثناءات كثيرة منها ان الست اوقات كثيرة تخرج للعمل لمساعدة جوزها وده مش عيب علشان يحافظوا على بيتهم ويكبروه - وهنا ييجي التفاهم يعني زي مابتساعده بره يساعدها هوه جوه - والامور بتمشي للي عايزها تمشي.
عدد الردود 0
بواسطة:
حازم
هناك الحق وهناك الفضل
الحقوق تكون في حالات النزاع - اما الطبيعي ان يكون الفضل هو اساس العلاقات عامة والزوجية خاصة - وربنا بيقول "ولا تنسوا الفضل بينكم" - يعني ماينفعش يبقى الزوج مقتدر ويقول لمراته روحي اصرفي على نفسك وروحى حجي على حسابك.
عدد الردود 0
بواسطة:
ابراهيم كمال
حق على الرجل
الامر الطبيعى فى الحياة ان الرجل مكلف ان يعول زوجته ويصرف عليها . ولو تيسرت الظروف تسمح فيسعى من ماله ان تحج زوجته . فهم شركاء فى الحياة . هذا هو الامر الطبيعى لرجل يعمل وزوجته لا تعمل . ولو زوجته تعمل وتستطيع ان تساعد نفسها او زوجها فلتفعل طبعا فهم شركاء فى الحياة .
عدد الردود 0
بواسطة:
الجندى
الى تعليق رقم 5
اللة ينور عليك ... بس اللى يقرأ ويفهم
عدد الردود 0
بواسطة:
احمد
الرِّجَالُ قَوَّامُونَ
الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى? بَعْضٍ وَبِمَا أَنفَقُوا مِنْ أَمْوَالِهِمْ ?