قال اللواء محمد خالد يوسف، مساعد وزير الداخلية للشرطة المتخصصة، إن مشكلة شركتى أوبر وكريم تتمثل فى دخول الشركتين سوق أو نظام "ملوش ريس"، وهى عبارة عن شقة مفروشة ولاب توب، مستدركا "طيب كل هذه الأمور فى منظومة النقل وكافة هذه المعاملات تحت بصر مين؟، كل محافظ مسئول عن إنشاء منظومة لإدارة نقل الركاب من نقل عام حتى يصل للتوكتوك".
وأضاف "يوسف" خلال كلمته باجتماع لجنة الإدارة المحلية بمجلس النواب، أن هناك تدرجا فى المسئولية عن منظومة النقل والمركبات والمواقف فى مصر، ما بين مسئولية وزير التنمية المحلية والمحافظين كل فى محافظته، ووزارة النقل.
وأضاف "يوسف" أن وزير التنمية المحلية مسئول، وكل محافظ له خصائص مختلفة عن الآخر والمحافظ هو المسئول الأول والأخير عن كافة الأعمال والأمور داخل محافظته، ودور وزارة النقل توفر له وتضع كتالوج للمنظومة لكنها لا تدير منظومة النقل فى المحافظة، وممكن المحافظة تستعين بها.
وأشار إلى أنه يمكن الاستفادة من الدراسات المعدة بالجامعات عن الطرق والنقل وأن تستعين لجنة الإدارة المحلية بالمجلس الأعلى للجامعات لتستفيد منه، قائلا: "لن تستطيع إنجاز شىء بدون متابعة ورقابة، ودونما ذلك مصر لن تتحرك".
عدد الردود 0
بواسطة:
ابن حميدو
ياريت تريح دماغك المتخصصة
هو الناس لقت وسيلة مواصلات محترمة ..لازم كل مشروع خاص نلاقي فيه جهابذه ارحمونا شوية
عدد الردود 0
بواسطة:
هانى ابراهيم
اوبر وكريم
مشروع محترم وخلصنا من جشع سواقين التاكسي الى بيتقاول معانا قبل مانركب بصراحة خلو الواحد يخاف يشاور للتاكسى بسبب الجشع والاستغلال
عدد الردود 0
بواسطة:
Sam
هو انتم مش بترحموا ولا تسيبو رحمه ربنا تنزل.
وياتري منظومة النقل الفاشله تحت منظور مين. اداره فاشله. يعني عيب ناس بلاب توب في شقه مغروشه يقدموا خدمه محترمه وانتم مش عارفين. تخيلوا ان الاداره الحاليه للنقل او المحافظين تمسك اوبر او كريم هيكون مصيرهم ايه. ارحمونا او سيبوا رحمه ربنا تنزل. تاني حاجه الناس دول مش بلاب توب ولا في شقه مفروشه. ده نظام متكامل من التكنولوجيا والاداره علي مدي 24 ساعه..
عدد الردود 0
بواسطة:
حسام الدين
اوبر
شركه محترمه وسواقين قمه فى الذوق والادب والواحد يطمن على بنته او ابنه لو راكب معاهم
عدد الردود 0
بواسطة:
hassan
مطلوب الرقابة
المطلوب فقط رقابة صارمة علي سيارات التاكسي من خلال قاعدة بيانات دقيقة وكاملة. ومنع الزجاج الفيميه والستائر والمرايات الكثيرة والكاسيت العالي وتدخين السائق داخل سيارة التاكسي .. وسحب رخص اي سائق يخالف التعليمات او يطمس الارقام او يرفض توصيل الراكب او يتلاعب في العداد او يوقف تشغيل العداد بحجة انه عطلان. وبعدها تبقي المنظومة امنه ومحترمة وممنوع السيارات الملاكي تشتغل اجرة.
عدد الردود 0
بواسطة:
مصر
أخيرا
وأشار إلى أنه يمكن الاستفادة من الدراسات المعدة بالجامعات عن الطرق والنقل وأن تستعين لجنة الإدارة المحلية بالمجلس الأعلى للجامعات
عدد الردود 0
بواسطة:
سامى سعد سامى
سمك لبن تمر هندى
علشان فى مصر ماحدش بيحاسب حد . مفيش مشكله لما مساعدالوزير للشرطة المتخصصه المسؤل الاول عن المرور فى كافة انحاء الجمهوريه . يلقى بالمسؤليه على جميع المسؤلين ويتنصل من مسؤليته . ماذا ستعمل ياسيادة مساعد الوزير فى مشكلة المرور فى مصر . والذى اصبح اسوء مرور على مستوى العالم . وبينه وبين التكتنولوجيا الحديث خصام طويل .
عدد الردود 0
بواسطة:
على
سيبوا الشعب يتنفس
اول وسيلة مواصلات ادمية محترمة احسن من البلطجية سواقين التاكسى ولاانتم عجبكم المشروع عايزين تنسبوه ليكم ولا علشان اصحابه مش ولاد اكابر
عدد الردود 0
بواسطة:
كابتن ماجد
خليك في التوك توك
ياريت تخليك في مشكلة التوك توك وهي اللي لم تحصل التقنين او التنظيم وكل محافظة أصبحت تترك التوك توك في المناطق الفقيرة لتزداد زحمة وبؤس وقرف وجرائم هو ده اللي تفكروا فيه مش تتركوه وتحاولوا تهدموا مشروع ناجح
عدد الردود 0
بواسطة:
م/مصطفى على
لية بنحارب النظام الناجح ونترك الفاشل
اوبر وكريم باعتراف كل الشعب بجميع فئاتة منظومة محترمة وامنة واقتصادية واغلب سواقين التاكسى القديم والابيض حرامية وجشيعين وبيتناولو مخدرات وغير امنين وجهلة ياريت نشجع النجاح وندفن الفشل والاستغلال اسفل سافلين