اعتذرت إيناس خورشيد لاعبة المنتخب الوطني للمصارعة الرومانية، لجماهير مصر بعد خسارتها أمس من بطلة كازاخستان في مباراة الترضية لميزان 69 كجم ، لتفرط في الحصول على الميدالية البرونزية بدورة الألعاب الأولمبية.
وكتبت إيناس عبر صفحتها الشخصية على موقع التواصل الاجتماعى "فيس بوك" :"أنا أسفة بجد كان نفسي افرح مصر كلها واعمل ميدال في Olympic Games".
و تابعت إيناس "بس محدش عارف حاجه .. محدش عارف احنا تعبنا واتبهدلنا اد ايه قبل السفر .. محدش عارف اننا ما اتعملناش اعداد خارجي اصلا غير 15 يوم ".
وكشفت خورشيد عن وجود بعض المعوقات التى قابلتها قبل الإعداد لخوض المنافسات فى الأولمبياد قائلة :" ده غير الحاجات التانيه اللى لو قلتها في ناس كتير هتزعل مني..كل ده اجتهاد شخصي مننا ..بنحفر فالصخر .. لوحدنا".
وكررت اعتذارها مرة أخرى للجماهير المصرية التى كانت تنتظر منها تحقيق ميدالية أولمبية تضاف لرصيد الميداليات المصرية فى الأولمبياد، قائلة "بعتذر لكم جميعا للمره التانية .. كان نفسي افرحكو" .
كانت خورشيد قد تأهلت إلى الدور قبل نهائى فى منافسات ريو دى جانيرو بعد فوزها على لاعبة البرازيل بنتيجة 5/1 ، ثم خسرت على يد اللاعبة الكازاخستانية .
عدد الردود 0
بواسطة:
عصام
والنبى ياختى اتليه
فاشلة وحتبرر فشلها داانت من النوع المرتاح امال يارا سمير حتقول ايه المسكينة ماهى تعبت وربها اكرمها بميداليه لاجتهادها وحتقولى على الامكانيات ياختى دا فيه دول مش موجودة على الخريطة وكسبت ميداليات ذهبية وامكانيتها اقل من امكانيات مصر والحقيقة الدولة وفرت اكثر من 140 مليون برغم الظروف الاقتصادية الصعبة وفوق كده ازيدلك من الشعر بيت شوفى كوريا الشمالية شوفى اقتصادها وبالرغم من ده كسبوا ميداليات ذهبية وانا عاوز اسئلك سؤال ازاى كسبت فى التصيفات وتفوقت على نظرائك الافارقة يابنتى غالبيتكم بتعقدوا على اللاب توب ونزلين فى الفيس بوك وبتعملوا شات هو دا اللى مضيعكم ومش مركزين فى العابكم
عدد الردود 0
بواسطة:
الخضر
الحقيقه المؤلمه
فعلا لا أحد يعمل بضمير في وزارة الشباب و الرياضه ... لا أحد يعمل بضمير في أتحادات ألأعاب لكل لعبه كل العاملين في مجال الرياضه في مصر لابد من أعادة النظر فيهم لأنهم مجموعه من الفشله الجهله الذين لا يعلمون أي شئ عن أي شئ ... لابد من تعين ألكفائات لكي ننهض بالرياضه المصريه في كل المجالات و كفي تعينات بالواسطه و المحسوبيه التي أثرت علي كل نواحي الحياه و رجعتنا 100 سنه للخلف.
عدد الردود 0
بواسطة:
سامي الغازي
ايناس اسمعيني.....
الرياضه مكسب وخساره، شرف لينا كمصريين انك مثلت بلدك بكل احترام وادب واخلاق رياضيهHard luck to you اما اصحاب التعليقات التوافه ،فلا تنظري اليهم والي تعليقاتهم السلبيه مثل نفوسهم الضعيفه التي تدل علي سواد نفسي باين. علي العموم انت شرفتينا رغم الخساره لأنك أظهرت بلدك بشكل محترم خساره بشرف اعظم من خساره بقرف. لو عاوزه تتكلمي وفي نفسك. حاجه،فوليها بكل شجاعه ولا يهمك مين يزعل ولا يتفلق.
عدد الردود 0
بواسطة:
نجوي
المحله
بصراحه ميزانيه الشباب والرياضه كبيره للحراميه انما مفيش اي اهتمام فعلي بالشباب ده اروح اعلم ابني سباحه 20 يوم 400 جنيه ليه يعني واليوم ساعه واحده والله حرام عدم الاهتمام بالشباب بيرميهم في حضن الارهاب انما فعلا البعثه دي اتبهدلت اخص بيها المصارعه وفروا حق تذكره طياره رجعوا مهزومين