هناك الأحلام كانت موجودة
والحياة كانت جميلة
الفرح كان موجود
والحزن كان معدوم
الاطفال كانوا فى الشوارع
كانوا بيلعبوا (الاستغماية(
ميعرفوش انها هطول
ميعرفوش انها هتكون مؤلمة
وهتكون لعبتهم الوحيدة
ناس تختفى تحت التراب
وناس تحيى من تحت الانقاض
مشاهد مؤلمه وكمان محزنه
وهما برضوه بيلعبوا.....
ميعرفوش انهم هيتألموا
ميعرفوش ان دمهم بيسيل
ويختلط بالتراب ويصبح طين
وفجأه طفل بينادى
يااااماه جسمى بيتألم
وكمان مليان طيين
يااماه ردى عليه انا وحدى فى الشارع
مش عارف ليه مش قادر اقوم
ياااماه ردى عليه دانا ابنك الصغير
كنا بنلعب هنا وكمان هنا
وكان فى مسجد هنا... راح فين ؟
هو ايه إلى بيحصل لنا
احنا تهنا ولا اييييييه
فين الزرع إلى كان موجود
ليه كده بقى صخر وطوب
ليه كده الناس بتجرى
هما كمان بيلعبوا
احنا كنا بنلعب لوحدنا
وفجأه كل شيء انتهي
ياعمى انت فين ؟
فين ابويا وفين اخويا ؟
ليه كله بيبكى
ليه السماء لونها كده
ليه ياعمى النار بتنزل من فوق
هو احنا خلاص هنمووت
هى القيامه خلاص جت...
ساكت ليه ياعمى رد عاليه
انت ليه باصص لفوق
رد عليه هنا انا موجود
ليه كده سيبنى لوحدى
فين امى وفين ابويا وفين جدى
وفين كمان اخويا
انتم كلكم خلاص مش سمعنى
وسيبنى ليه ببكي
مين هيمسح دمعتى
بعد امى إلى كانت دنيتي
اااه يادنيتى سيبانى ليه لوحدتى...
![تيمور المغازى يكتب: حلب تحترق تيمور المغازى يكتب: حلب تحترق](https://img.youm7.com/large/42016291627136982.jpg)
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة