أهى غلطة منى منِك ---عُمر رايح من السنين
دفع ثمنها ابنى بنتك ----دخلوا عش المجروحين
قولتهالك اسمعينى ----قاطعتينى فى الكلام
حبست دمعى جوه عينى ----يوم ما قلبك قال سلام
كاس وداير شربنا منه----- وسقينا منه الولاد
جرح غاير عمال بينزف ----وأنتِ سايقة فى العناد
كان نفسى بس فى صورة حلوة ---تبقى ذكرى للولاد
نعدى فيها فترة صعبة ------وما نسلمش للعناد
ولادنا دولا أحلى فكرة ------نعلى بيها الاحترام
ننسى ماضى نلقى بكره -----ولادنا عاشوا فى الأمان
غلطة منى غلطة مِنك -----عُمر رايح من السنين
غصب عنى وغصب عنِك-----ولادنا بيننا موجودين
تم أضافة تعليقك سوف يظهر بعد المراجعة