رغم الاهتمام الكبير بحفل زفاف الفنانة إيمى سمير غانم على النجم حسن الرداد، إلا أن الجدل الأكبر حول حفل زفاف الثنائى الأحدث فى الوسط الفنى كان حول فستان شقيقة العروس الفنانة دنيا سمير غانم، وروج البعض لسرقة فستان النجمة دنيا سمير غانم من تصميم أجنبى، وغيرها من الأقاويل.. فى السطور التالية نحاور نجم تصميم الأزياء هانى البحيرى - مصمم الفستان - الذى كشف لليوم السابع كل ما يتعق بالفستان بالتفصيل.
وقال البحيرى: "معنديش تعليق على أصحاب العقول الفاضية"، هكذا بدأ مصمم الأزياء المصرى، هانى البحيرى تصريحاته لليوم السابع حول الحملة الشرسة التى شنها رواد مواقع التواصل الاجتماعى، وتوجيه تهمة سرقة تصميم فستان دنيا سمير غانم الذى ظهرت به فى حفل زفاف شقيقتها.
دنيا سمير غانم تنشر صورة فستانها على أنستجرام
ويروى البحيرى، أن الفستان تم تنفيذه فى 24 ساعة فقط، بعد أن راسلت دنيا بيت الأزياء الأوروبى صاحب التصميم ليكشفوا أنه سيتكلف 60 ألف يورو ما يعادل قرابة مليون جنيه مصرى، وطلبت من هانى البحيرى تنفيذه.
وقال البحيرى" الفستان تم تفصيله فى 24 ساعة بمبلغ لا يقارن مع ثمنه الأصلى، وإحنا مش بالسذاجة إننا نجيب نفس اللون ونفس التصميم وننسبه لنفسنا".
![صورة منتشرة على شبكات التواصل للفستان صورة منتشرة على شبكات التواصل للفستان](https://img.youm7.com/ArticleImgs/2016/11/5/35279-4.jpg)
صورة منتشرة على شبكات التواصل للفستان
وأضاف: تصميماتى بتتقلد من 20 سنة، وعمرى ما علقت على حد قلدنى مع أنى عارفهم كويس جدا، وعلى سبيل المثال فى الثمانينات والتسعينات المصمم اللبنانى "حنا توما" كان متخصصا فى تنفيذ التصميمات العالمية وعمره ما كان بينسب لنفسه التصميم، لكن كان بيتحدى بيه الناس تطلع فرق بين الأجنبى والعربى".
وقال البحيرى، "إحنا لازم نشجع ونفتخر بالصناعة المصرية، وإن فى مصممين فى الوطن العربى بيقدموا نفس المنتج الأجنبى، والأيام الجاية مع ارتفاع العملات الأجنبية أكبر نجوم فى مصر مجبرين يلبسوا المنتج مصرى".
دنيا سمير غانم وزوجها الإعلامى عمرو رضوان وإيمى وحسن الرداد
وأوضح: "كل مصممى الأزياء فى العالم بياخدوا من بعض، وأنا عمرى ما نسبت لنفسى تصميم مش بتاعى".
وقال هانى البحيرى عن فستان زفاف إيمى سمير غانم: "الفستان تصميمه يجمع بين الأناقة والبساطة، عشان يلائم المكان والجو فى الجونة".
هانى البحيرى مع إيمى سمير غانم قبل الزفاف
عدد الردود 0
بواسطة:
Fahmy
حرام وكفاية
من كام يوم سيارات محمد رمضان واليوم فرح ايمي وفستان دنيا اختها المتكلف مليون جنيه علي كده الفرح اتكلم كام وفستان ايمي بكام _ ده مش حقد والله وربنا يسعد الجميع ولو كان الفقر رجل لقتلته لكن بالراحه شويه علي الناس الغلابه اللي بنقول لهم اربطو الحزام!!!!!!!!
عدد الردود 0
بواسطة:
المأمون ابو الروس
المهم الحشوه....
مَش عيب المصمم يقتبس، اي فنان ممكن يعملها، من الموسيقار لمصمم الأزياء،يعني لو الموسيقار الراحل عبد الوهاب او فريد الأطرش غني احدهم او كلاهم السيمفونية التاسعه بصوت كل منهما، أكيد ها تكون بطعم الكباب الضاني، كذلك فستان دينا بحشوة القشطه واللوز والبندق، لها طعم شهي وذوق خاص. دينا هي الأصل وما دونها اقتباس .
عدد الردود 0
بواسطة:
هدي عبدالرحمن
مهازل
اولا...واضح جدا جدا الفرق بين الفستان الأصلي و روعة اللون و القماش و الخياطة و ذلك الذي قام الأخ البحيري بتفصيله...كنا الفرق بين السماء و الارض...لكن ليس هذا هو المهم....المهم أن تنشر أخبار كهذه في وقت يحترق فيه الشعب بقرارات التعليم و رفع الدعم.....لو الناس تري تساوي الكل في المعاناة فلن يكون هناك أي مشكلة ...لكن أن الخنق الناس بالغلاء في وقت نري فيه الفنانين يبحثون الملايين هنا و هناك....فهذا مرفوض و علي الناس أن تتخذ موقفا
عدد الردود 0
بواسطة:
محمد ربيع
الفيوم
فستان يكلف 1000000 مش حرام
عدد الردود 0
بواسطة:
علوي عبد المجيد
فرق السما من الارض،
عامل زي اللي جاب توك توك وحط عليه علامة المرسيدس....
عدد الردود 0
بواسطة:
فقير
فستان اتكلف مليون ....... يعنى يجيب كام رغيف عيش
والله انا بقترح ان كل واحد فقير يشوف اقرب بلاعه ويدخل فيها ويريح نفسه وبالأخر يدخل النار الفقير عشان انتحر ههههههههههه وهناك يقابل بعض الفنانين يضحكوا عليه عشان كان تعبان بالدنيا وبالأخره بالنار ..... اما همه عاشوا ايامهم بالدنيا واخذو عقابهم بالاخره ..... يعنى الفقير خاسر خاسر من كل اتجاه
عدد الردود 0
بواسطة:
الكبير
الله ينور يأستاذ هانى....بصراحة افضل من الاجنبى ويناسب المصريين بجد بجد
الله ينور يأستاذ هانى....بصراحة افضل من الاجنبى ويناسب المصريين بجد بجد واحنا لازم نشجعة ميش نقلة بتقلد يارتنا احنا كابلد نعرف نقلد بلاد تانيا مكنشى دة بقا حلنا
عدد الردود 0
بواسطة:
ادهم جمال
الوسط الفني
ربنا يسعتكوم يارب
عدد الردود 0
بواسطة:
مواطن مصرى
كفايه حقد
الحقد الاسود ملا عيوننا لدرجه ان او ما سمعنا مليون جنيه اتجنينا و قعدنا نهبل, مكتوب ان لو كان اتعمل بالخارج كان كلف مليون, فالست قالت حرام و فصلته فى مصر. و بعدين اللى دفع لها حاجه من جيبه او صبر عليها شويه فى دين له عندها يروح ياخده و ما يصبرش عليها. و بدل ما انتم قاعدين تفصصوا فى المعازيم و الفرح و اخبارهم روحوا اشتغلوا و ابقوا رشدوا انفاقكم زى ما انتم عايزين لما ربنا يكرمكم ان شاء الله. و السلام ختام
عدد الردود 0
بواسطة:
masria
هو انتي وديتي الفستان يتكوي عند مين
شكله تقلييييد.. ماتلبسي فستان كويس