دقة قلبى طالعة ف ودنى
لما تقرّب بتجنننى
كلِّ الكون ده دا أصغر منِّى
وأنا ويَّاك الملكة وتاجها
دنيا الحب اللى أنا بحتاجها
موجة البحر تثور وهياجها
تكنس كل الدنيا عداك
أحلى حبيب ف الدنيا ملاك
وأنا مش شايفة حد سواك
نظرة عينه بتطمنى
يمكن عاشقة عشان إكمنى
حبك وحده اللى بيهزمنى
بس بحس دفاه فى عنيك
نظرة عينك ياه أتاريك
تلقى العقل اتركز فيك
واللى ف ايدى اندش ف ثانية
ولا بعرفشى الإيد م التانية
واتغديتى امبارح بامية
لأ ملوخية يا نبض وريدى
كل كيانى وطار من إيدى
حلوة يا نار الشوق م تزيدى
حبك وحده اللى بيهزمنى
وافتح بابه القاك ف الوش
أقفل تانى بسرعة واكش
كل مصاعد الدنيا دى غش
والعفريت يطلع ف جنابه
نفس الطلعة ونفس مهابه
ولاّ واخد تمليك من بابه
حبك وحده اللى بيهزمنى
