هاجمت الفنانة سماح أنور، كوميك ساخر حول تصريحاتها فى برنامج العاشرة مساءً للإعلامى وائل الابراشى ومطالبتها برفع الدعم، مؤكدة أن هناك لجان إلكترونية تستهدفها وتقوم بالكذب والتدليس وقلب الحقائق.
وكتبت سماح أنور عبر صفحتها على فيس بوك قائله: "شغل الكتائب الإلكترونية الله ينور.. ودى بقى لغتهم هم وطريقتهم.. ولا نسيتوا طظ فى مصر؟.. مافيش رقى ولا إبداع ولازم طبعا الكدب والتدليس والنصب وقلب الحقائق.. إلخ وأنا طبعا هدفهم من زمان".
وأضافت سماح أنور قائلة: "أنا وهم وانتوا ..عارفين ..لأن الشخص المشهور النجم الناجح، المؤثر وخصوصا لو مثقف أو فاهم التيتة أصلا كمان.. ده بقى لازم يموت حتى لو مامتش.. حاربوه حتى الموت.. فى سمعته.. فى أكل عيشه.. فى ولاده.. المهم.. احرقوه بجاز وسخ واضربوه بالنووى ( علشان ده برضه كلامهم إللى وهموكوا إنى قلته وانتوا صدقتوهم برضه واللى مش مصدق يرجع للفيديوهات )".
وأشارت سماح أنور قائلة: "طيب ليه كل ده .. لاحسن حد يتأثر بكلام أى حد مؤثر ومحبوب أو يقتنع لا سمح الله برأيه.. الفنانون من زمان كانوا هم الهدف الأول.. وعلى مدى أكثر من ٣٥ سنة.. من بداية السبعينيات والفنانين بقوا هدف للتشهير والتكسير والحقد والكره وزرع الأسافين والتفرقة بين الفنان والناس اللى " كانت بتحبه " وبقت العلاقة غريبة جدا".
وتابعت قائلة: "يبقى عايز يتصور معاك ويضربك فى نفس ذات اللحظة.. شايفك عبقرى بس ماتستاهلش.. الاتنين مع بعض.. اللهم تب علينا من هذا الهم الكبير التقيل.. وشيل عننا جهنم الجهل والسواد اللى مرروا طعم حياتنا كلنا".
واستطردت قائلة : "أنا بجد عايزة أمشى من البلد.. الدماغ ضايعة بجد بقى.. والحقيقة إن الحرب دايرة على أنا بالتحديد من الجميع.. وأنا من الآخر.. زهقت وتعبت ومابقاش عندى أمل فينا خالص.. شكرا.. يا حبيبتى.. يا مصر".
سماح أنور
عدد الردود 0
بواسطة:
أبو على
بأمارة ايه
شايفه نفسك ناجحه وعبقريه ومشهوره وفاهمه...على اى اساس.....ولا نفكرك بتصريح 25 يناير اللى كنتى عايزة تولعى فى ثوار التحرير بالجاز
عدد الردود 0
بواسطة:
مصري
الي رقم 1! وانت رأي سعادتك ايه دلوقت؟ يا ريت والله كانوا ولعوا فيهم بالجاز
ومتقنعش نفسك ونبي انك فاهم اي حاجه أصلا ولو وصلتوا كانت بقت سويسرا! القذافي الوحش اتقتل من 5 سنين! إزاي حال ليبيا دلوقتي؟ مش عايز تبقي زي ألمانيا؟ ألمانيا مفيهاش دعم وضرايبها 55%! والشعب اللي بينتج ويشتغل هناك والله مش الحكومة
عدد الردود 0
بواسطة:
إلى رقم 2
إلى رقم 2
كلامك صح.بس رواتبهم كام؟
عدد الردود 0
بواسطة:
نبيل
اختفي وريحبنا
مين دي اصلا ياريت تنفذي وعدك واتفرقينا اعتقد ان محدش عاوز يسمع مجرد رايك
عدد الردود 0
بواسطة:
الكابتن
تعليق رقم 3
تعليق رقم 3،، برضك بتعاند ومش عايز تفهم رقم 2 عايز يقول إيه،،عموما ارد عليك بطريقه تانيه يمكن تريحك،،أنت بتقول المرتبات كام هقولك ماشي علي اساس ان المرتبات هناك كبيره هقولك صح وده ليه،،اقولك عشان مفيش دعم يعني مفيش خرم الفلوس بتنزل فيه،،وكل الناس بتدفع ضرائب يعني من الآخر حكومه غنيه بسبب أن شعبها غير متهرب من الضرائب ومفيش دعم فتسطيع تدفع مرتبات وتعمل خدمات..