أكد الكابتن إكرامى، أنه متفائل بمستقبل مصر وقدرتها على العودة لمكانتها، فهى عاشت أوقاتا أصعب مما نعيشه حاليا، والشعب قادر على أن يصبر ويمر إلى بر الأمان، قائلا "نحن فى محنة مقصودة لزعزعة استقرار مصر مثلما حدث فى الدول العربية المجاورة لكننا قادرين على العبور منها".
وأضاف إكرامى، خلال لقائه مع الإعلامى خالد صلاح، ببرنامجه على هوى مصر، المذاع على فضائية النهار One، "عبرنا بظروف أصعب، وفى 6 سنوات من 1967 وحتى 1973، ربطنا الحزام وعدينا وصبرنا والحمد لله بقت العملية زى الفل، ومصر مشيت وكملت".
وتابع، "مررنا بمراحل صعبة جدا فى حياتنا وعدينا، فنحن فى محنة وهنعدى منها، لأنها مقصودة، لزعزعة استقرار مصر وهدم مصر مثلما حدث حولنا فى الدول العربية".
وأوضح أنه يحب هذه البلد ويعشقها ويعشق ترابها، ويقول لكل من يهاجم هذه البلد أو يسخر منها أو يريد هدمها، "لو مش عاجبك البلد دية سيبها وامشي، دى البلد اللى لحم كتافنا من خيرها، وعايشين فى خيرها، ومفيش واحد فى مصر بينام جعان، وأنا أتحدث من منطلق أن من حولى موظفين ونعيش فى المعاناة".
وعن بطاقات التموين، قال أنه يعرف أناسا دخلهم يزيد عن 20 ألف جنيه ولديهم بطاقات تموين، وهؤلاء يجب أن يتنازلوا عن بطاقاتهم حتى يصل الدعم لمستحقيه، مضيفا "نحن فى مرحلة انتقالية خطيرة جدا ويجب أن نقف كشعب مصر ونرفع بلدنا على أكتافنا ونعبر بها".
عدد الردود 0
بواسطة:
سعيد أمين اباظه المحامى بالنقض والمحلل السياسى والاقتصادى
كم هو عقد ابنك يا اكرامى ؟
وانا اطالب بحد اقصى لعقود لاعبى الكره والمدربين وان لايزيد عن الحد الاقصى للاجور ووقف استيراد اللاعبين الاجانب !!
عدد الردود 0
بواسطة:
محمد شاكر
كل الحق لك يا كابتن وتحيا مصر انشاء الله أمنه مستقره ....امين
امين
عدد الردود 0
بواسطة:
عبد الشكور
الروبيضه
ومن علامات الساعه ينطق الروبيضه قالوا وما الروبيضه قال: الرجل التافه يتكلم في امر العامه. وهل هناك اتفه من هذا الكائن تفاهه اصل مصر عزبة ابوك اللي مش عجباه يمشي
عدد الردود 0
بواسطة:
مجدى حسين
حرام عليكم
مع احترامى الشديد للكابتن اكرامى اقول له انت من الطبقه التى لاتلمس مشاعر واحاسيس وحياة الناس الغلابه ... البلد دى ياكابتن مليانه ناس غلابه كتير بتموت من الجوع وناس اكتر بتموت من عدم حصولها على حقها فى العلاج دا لو لقت مكان ادمى فى مستشفى حكومى لعدم مقدرتها على تدبير الحد الادنى من المعيشه ؟ انزل ياكابتن قرى الصعيد الموبوئه بالامراض وغيرها من القرى التى نراها نحن اصحاب المعيشه فى هذه القرى ناهيك عن بطش رجال الدوله فى كل مواطن غلبان (يعنى مواطن من الدرجه الثالثه اللى لاهو ابن قاضى ولاابن وزير ولاابن حتى رئيس حى) ياكابتن احنا فى الارياف بنقول اللى ايده فى الميه مش زى اللى ايده فى النار واحنا فى الريف عموما على مستوى الجمهوريه مللنا من كثرة كلام المشاهير امثال حضرتك زى هاله فاخر- عمرو اديب- فيفى عبده- وكثير من المسئولين الغير مسئولين مللنا من كلمه اللى مش عاجبه البلد يسيبها ويمشى وكأن البلد بلدكم وباقى الشعب شغال عندكم .. من فضلكم احترموا مشاعر الناس وراعوا ماتعيشه هذه الطبقات من غلاء اسعار واحتكار سلع ومعاناه ممهما توصف لكم لم تحسوها .. وشكرا
عدد الردود 0
بواسطة:
عبد الله الجعفرى
ردا على اكرامى
اشكر الاستاذ الفاضل صاحب ضمير واحساس الشعب الذى عبر واوصل واوجز اما بخصوص الكابتن اكامىاكرر مقولت الاستاذ الوطنى الحر الذى يتالم بالام الشعب ويجزن لحزن الشعب الذى يمشى معهم ويشرب معهم ويلبس معهم فهو الذى يعرف حقيقة ومشاعر وظروف الشعب مجدى حسين اما عن الكابتن اكرمى انت محق فى ماقلت لانك انت فى عالم تانى عالم يختلف عن عالمنا انت عندك البلاد مفتوح والارصده موجوده والطيران مستعد واليارا جاهزه انت عندك الامكانيات التى تجعلك تعيش حياه هنيه رغيده الاف السنين اذا لاتتحدث باسم شعب لايملك قوة يومه ولاثمن علاج ولاملبس نظيف اذا شهاتك غير مقبوله لانها دخلت فى حكم شاهد زور
عدد الردود 0
بواسطة:
سمير الريانى
البحيرة دمنهور
ياعم اكرامى انت لايمكن تكون انسان عندك اى احساس بنبض الشارع المصرى الغلبان اللى شاف الذل عشرات السنيين - اللى يمشى من البلد دى هم امثالك اللى اخذوا خيرات البلد دى -لان اللى حمى مصر فى 6/30 هما المصريين الغلابة وامثالك هربوا من مواجهة اللى كانوا عايزين يخربوا مصر - امثالك عمرهم ماحسوا بهموم الغلابة - فلتذهب انت وامثالك الى الجحيم
عدد الردود 0
بواسطة:
من غير ذكر اسماء
عجبا
رجل استاجر عمال لزراعة الارض لكنه لما راي الارض اجدبت ولم يحسنو الزرع ولا الحصاد وافتقر الرجل رغم غناه فتضجر من امرهم ويريدون هم ان يقنعوه ان يترك الارض لانهم يؤمنون انهم علي الصواب وسواءا كانو علي الصواب او الخطا لا يحق لهم ولا لامثالهم ان يقولو لصاحب الارض وصاحب الفضل ان يترك ارضه من اجل فكره لم يشهد لها احدا بالنجاح سواهم .....
عدد الردود 0
بواسطة:
برضو مالوش داعي ذكر الاسماء
عجبا 2
الناس مش عاجبها بس ما بقتش حتي قادره تمشي ولما حاولو يمشو وماتو ما ترحموش برضو حتي في موتتهم احنا شعب ذاكرته ذاكرة سمك بننسي والحمد لله دي في الوقت الحاضر ميزه لازم ننسي عشان نعيش ....