هنأ المستشار مرتضى منصور رئيس نادى الزمالك، المصريين، بعد الفوز الكبير الذى حققه المنتخب الوطنى على نظيره الغانى بثنائية نظيفة، خلال المباراة التى جمعتهما مساء أمس، الأحد، باستاد برج العرب فى الجولة الثانية لتصفيات مونديال 2018 بروسيا.
وقال "منصور" فى مداخلة هاتفية ببرنامج "انفراد"، المذاع عبر فضائية "العاصمة"، :"ببارك لمؤمن سليمان أن كوبر بيقلده ودى نفس خطة فوز الزمالك على الأهلى".
وتابع منصور قائلاً :"محدش ينطق بعد كده ويقول مؤمن سليمان فاشل، وكوبر كان يشاهد مباريات سليمان وليس غانا قبل هذه المباراة".
.jpg)
عدد الردود 0
بواسطة:
أبو العُريف
ما أجمل ابتسامات الصباح . . مع مرتضى
طيب ولما كوبر بيقلد مؤمن . . كنت عايز تمشي مؤمن ليه ؟
عدد الردود 0
بواسطة:
Egyptian Dr
راجل ............... ظريف !!!!!!!
كوميدى ......... قوى !!!!!!!
عدد الردود 0
بواسطة:
أنا ومالكاوي بارد
ياعم أرحمنا
الناس كلها فرحانة وأنت في وادي تاني هو أنت خالف تعرف ولا منتخب مصر كسب برضه بالسحر
عدد الردود 0
بواسطة:
ayman
صباح الدماغ
انت يا مرتضى اول واحد قلت على مؤمن انه فاشل .. يا عم ارحمنا بقة من تعليقاتك الغريبة دي .. يا رب احنا موعودين بمرتضى وامثاله يعكننوا علينا بكلام لا يودي ولا يجيب .. مجرد اثبات انا اهوه ه ه ه ه ...
عدد الردود 0
بواسطة:
مصري بالخارج
عايزين نفهم يا عم
قول لنا ياعم انت عايز تقول ايه عايز تقول خدوا مؤمن سليمان مدرب للمنتخب علشان انت تخلص منه
عدد الردود 0
بواسطة:
هشام وهبى
المجانين فى نعيم
بالرغم من فرحتنا بفوز مصر .. إلا أنه من الواضح أن خطة كوبر هى و الله زمان يا سلاحى .. لعبنا مباراة أقل من المتوسط .. لولا تألق بعض اللاعبين و إخفاق لاعبى غانا فى ترجمة سيطرتهم على الملعب إلى خطورة حقيقية على المرمى و أهداف لكان للمباراة شأن آخر. يجب ألا تللهينا النتيجة التى نحمد الله عليها عن سوء الآداء .. يرجى مراجعة عدد التمريرات الخاطئة لمصر و عدد محاولات التسديد داخل المرمى . أما عن مرتضى فعنوان التعليق يكفى.
عدد الردود 0
بواسطة:
walid
فاضى
الراجل ده من اهم اختبارات ربنا لينا ، ربنا بيختبرنا فى الصبر وازاى نقدر نمسك لسانا .
عدد الردود 0
بواسطة:
مهيب
خطته بتاعته الخمسه فى الوداد هناك ولا التلاته بتوع صن داونز
مرتضى لما بيتكلم بحس ان البلد بتاعتنا لسه قدامها كتير على ما تتقدم أولا توقف هذا المرتضى عن التحدث فى أى مكان وكفايه ان الدنيا كلها كانت بتضحك عليه لما بيقول انه خسر بالسحر حاجه تكسف
عدد الردود 0
بواسطة:
محمد يحيي
مؤمن جوارديولا
مؤمن جوارديولا هو اللى رسم الخطة لكوبر أصلا و مرتضى معاه تسجيل الخطة اللى بعتها مؤمن على الواتس آب
عدد الردود 0
بواسطة:
saleh
ضع "الأهلى" فى جملة مفيدة
ضرورى و لازم و حتما و لابد و أساسى و مش ممكن أبدا و لا ينفع ... عادى جدا مرتضى منصور عاوز يحط الأهلى فى جملة مفيدة ، طيب ليه كابتن مرتضى سهرت مع مؤمن ليلة كاملة عشان تنزله درجة و تخليه مدرب يشتغل تحت ايد مدير فنى آخر (فى الغالب كان حسن شحاته) ؟؟؟؟؟؟؟؟؟؟ يا ترى عندك جواب و لا هتقول أصل "الاهلى" معملهاش قبل كده و انا عايز اعمل حاجة "الاهلى" معملهاش ؟؟؟ يلا يا عم انا بساعدك اهو و ادخلك " الاهلى "فى كذا جملة مفيدة هههههههههههه