هاجم شادى محمد، لاعب منتخب مصر، والنادى الأهلى السابق، الإعلاميين الذين انتقدوا فرحة جمهور الأهلى بهزيمة الزمالك، وخسارة لقب دورى أبطال أفريقيا، على يد فريق صن داونز الجنوب أفريقى.
وكتب شادى محمد عبر حسابه الشخصى، على موقع التواصل الاجتماعى "فيس بوك" قائلاً: "واحد إعلامى قالك هو جمهور الأهلى بيفرح ليه لما الزمالك خسر هو ده طبيعى الواضح إنه مش عايش معانا".
شادى محمد أكد أن جماهير الزمالك، كانت تشجع الفرق المنافسة للأهلى، فى بطولات أفريقيا، وترفع أعلامها، على حد قوله، حيث كتب قائلاً: "ده كل نهائى أفريقيا الأهلى لعبه جمهورك وجمهور بعض محافظات كانوا من قبل النهائى بأسبوع حاطين أعلام الفرق اللى بنلعبها فى البلكونات ده غير إن هم شجعوا الفرق اللى لعبها الأهلى أكتر ما شجعوا انديتهم ده غير اللى بيصلى منهم بيدعى بالهزيمة وده طبيعى بس بنكسب وبنكد عليكم".
واختتم قائلاً: "افهم أنت وهو لما جمهور الريال يشجع برشلونة وغيره وغيره فى دوريات تانية حبقى ساعتها ممكن أفكر إنى أساند حد غير كرهك للأهلى وجمهوره جننك، الأهلى بس اللى يقدر".
