كل المشاعر اتحست إلا إحساسى كميت
فرحة حزن سعادة شقاء جوع وشبع خوف وأمان
اوعى تكون زعلان ما هى دنيا غرورة وابن آدم عليها وهلان
بإحساس ميت هوصف كل مادار
بإحساس ميت ومش عارف رايح لجنة ولا لنار
بإحساس ميت الكل بيصرخ ويبكى ليه تركت الدار
ما سنة وحقيقة وحيده فى عالم كل زيف ومرار
مع إنى عارف ومتأكد أنه مجرد يومين لا ثلاثة وننسى اللى مات ويبقى ذكرى
لبسونى الأبيض كفنى وحملونى على الأكتاف
والله تعبت كتير ده فيه ناس لأول مرة تنشاف
كل حبايبى وأصحابى وأهلى اتجمعوا
منهم حزين فرحان تعبان شقيان مشغول عطشان وجعان
ما يلا نخلص وندفن ونرجع نعيش من تانى
دى اللحظة دى عبرة بس ودى سنة زماني
وليه ساعة الدعاء شاغل بالك عنى ادع بقلبك
ده أنا انهاردة هنا وانت جاى دورك
هتهرب منين من هنا ما هو أصل ده دورك
ساعة الفراق دى مرار
بيتى وأولادى ودنيتى وأهلى
بحب أفكركم بانى خلاص بقيت ذكرى
بس الوصية الزيارة والدعوة بالرحمة
خير اللهم أجعله خير
![محمد عبودة يكتب: بإحساس ميت محمد عبودة يكتب: بإحساس ميت](https://img.youm7.com/large/S220112415296.jpg)
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة