بنسف تراب وبنطفح دم
عايشين أغراب وبننزف هم
رحاية يا دنيا وطاحنانا
وبتهرسى حلمنا جوانا
وبتسرقى صبحنا ومسانا
والفرح ف ليلك عمره ما تم
***
تايهين والتوهة ف ملامحنا
والحيرة طريقنا ومطارحنا
لا رسينا ف مرة ولا ارتحنا
بندور حوالين الكيف والكم
***
مش عارف إيه آخر قولك
غزلك محلول وشايب نولك
طايلانى ومش عارف اطولك
مابقتش خلاص أعشق واهتم
![أحمد صفوت يكتب: غزلك محلول أحمد صفوت يكتب: غزلك محلول](https://img.youm7.com/large/11220112922307.jpg)
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة