إزاى أقابل ربنا
وأنا كلى ذنوب
إزاى أقابل ربنا
وأنا حتى مش قادر أتوب
إزاى أقابل ربنا
وأنا على أمرى مغلوب
امبارح مشيت فى جنازة
شاب من سنى
ويمكن كمان أصغر منى
طول السكة بقول
يارب ارحمه وارحمنى
وقلبى بيتنفض مرعوب
وحاسس إنى أنا اللى القبر بينادينى
وبيقولى تعالى ده كل شىء مكتوب
زمان كنت ببكى لما أعمل ذنب
دلوقتى بعدد الدقايق والثوانى ذنوب
يارب قوينى يا مقوى القلوب
وابعد عنى الشيطان وخلينى أتوب
وانصرنى على نفسى وطهر قلبى
من المعاصى والذنوب
وارضى عنى وأسترنى
وارحمنى واقبلنى
وخفف عنى وأبعد همى
يارب يا عالم بالقلوب
جنازة - أرشيفية
