وفضلت وحدى
بين آهاتى والسكات
سابونى وحدى
وكل شىء بقى ذكريات
بعزف على وتر السنين
لحنى الحزين
وبعيش على ذكرى
هوى فـــ القلب مات
بنسج من الوهم حكايات
وبكون أنا فيها البطل
يمكن أعوض اللى فات
ويا الحبايب وانكسر
كنت زمان بطل السباق
وكنت فارس فى الهوى
وكان بإيدى أنا الفراق
وكان بإيدى أنا الدوا
دلوقتى بعزف للسنين
لحنى الحزيـــــــــــن
وبعيش على ذكرى
هوى فـــ القلب مات
يشهد عليا شطك يا نيل
تشهد عليا مركبك
يشهد عليا ليل طويل
فيه النجوم بتودعك
والأهرمات كل الحاجات
كانت يا قلبى بتعشقك
دلوقتى بعزف للسنين
لحنى الحزيـــــــــــن
وبعيش على ذكرى هوى
فـــ القلب مات
![ناجى الغيطى يكتب: لحنى الحزين ناجى الغيطى يكتب: لحنى الحزين](https://img.youm7.com/large/s1020138223122.jpg)
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
محمد عوض
لحني الحزين دا كان زمان