تعبت من بعدك يا أمى
فين حضنك لما تضمى
وبدعوة تفتح بيبان
وترقى الرقوة وتسمى
ياما كنت أروح لك أشكى
روحى تهدى لما أحكى
ضحتك تزيد لى ضحكى
وأنسى بيها كل همى
قلبك ياريته ما كان صافى
ولا كان ف يوم حبنى
يا أمى كنتى عليا خافى
الذكرى بعدك تهدنى
أنا لسه فاكر يوم زفافى
دموعها نزلت تزفنى
ياما حاولت تدارى فيها
جوه ضحكة من عنيها
ياحبيبتى يا نور عنيا
دمعتك أنا مش ناسيها
ح إلى بعدك بجد يعصب
نفسى أرجع كام سنة
نفسى أرجع طفل يلعب
تفرح تقول يادى الهنا
أنا لسه فاكر لما بتعب
تبكى تقول إنشاالله أنا
واتارى الدنيا كرهتنى
ما راحت هيا وفاتتنى
تعبت وبقولك يا رتنى
يا حبيبتى كنت أنا
![محمد عاطف عبد المنعم يكتب: أمى محمد عاطف عبد المنعم يكتب: أمى](https://img.youm7.com/large/s3201018125934.jpg)
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة